٦-٨و تشرینی یوۋەمو ٢٠٠٤ ینە خەڵک جە سەرنیشتوو کورڎسانی دژوو ھجومەکا داعشی پۍ سەرو کۊبانۍ ۋۍ نیشاندایشا ئەنجامدا. بە پاساوەو چالاکییەکا ٦ – ٨و تشرینی یوۋەمیۊ شەکوا جە دژوو هامسەرۊکا پارتو دیموکراتیکی گەلان (هەدەپە)ی "فیگن یوکسکداغ"ە و "سەلاحەدین دەمیرتاش"ی و ئەنڎاما دەسەی ۋێڕاۋەبەری ناۋەنڎیی هەدەپەی و ١٧ زینڎانیا و بە گرڎی شەکوا جە دژوو ١٠٨ کەسا تۊمار کریا. ٢٤هەمین ئەرەنیشتەو داڎگاییکەرڎەو کەیسو کۊبانی جە هۊڵو نیشتەیرەو کامپو زینڎان و سینجانی لوۋاڕاۋە. کەیسەکە جە لایەنو شاندو لقو ٢٢ۍ داڎگاو سزا قورسەکا ئەنقەرەیۊ لوۋاڕاۋە.

جە قۊناغو یەرەمو کەیسەکەینە داواکارییەکۍ سیاسەڎمەدارا و پارێزنەرا ڕەڎکریېۋە و ھەڵای ۋەرگیری جە ۋێکەرڎەو سیاسەڎمەدارا ھورنەگیریابۍ، دەسکریا بە ھورسەنگناکا و ۋستەی ڕووەو پەیلواکا شانڎو ڕاۋەبەرو داڎگاکەی. زینڎانییە سیاسییەکۍ و پارێزنەرەکېشا و بەشڎارا داڎگاییەکەی بە چەپڵۍ دایۋەنەی دژوو ئا ھەڵسوکۊت و قەراریە ناڕەزایشا نیشانەدا و هۊڵەکەشا جیائاست.

شانڎو داڎگاکەی دماو ھورگېرتەو ئیسراحەتېۋە، قەرارو ۋێش جە هۊڵێۋە چۊڵەنە ۋەناۋە!. شانڎەکە قەرارش دا پۍ ئانەی قسۍ جە بارەو کەیسەکەیۊ ھورگیریا، ئەرەنیشتەو دماتەرو داڎگایش پۍ ٣ۍ تەموزی دماوست.

ھ.ش