دۆڵەتو تورکی کۆبانێ، تشرین، زرگانی و تل تەمرش بۊمبوارانۍ کەردۍ
دۆڵەتو تورکی ئەرەگیری سەرسەعبو ئارۊیۆ جارێوەتەر ناوچە ئەرەنیشتەیەکۍ سەرنیشت و ۋەرکۊتوو سوریایش بۆمبوارانۍ کەردۍ.
بە پاو زانیاریی سەرچەمە دلێینەییەکا دۆڵەتو تورکی دەگایەکۍ گرکێ و عومەرکی پانیشتوو کۆبانێش بۊمبوارانۍ کەردێنۍ.
بە ماوێوە کەم وەڵۍ هرووژمەکەینە دۆڵەتو تورکی و چەتەکێش بەنداوو تشرینی و دەوروبەرو بەنداوەکەیشا بۊمبواران کەرد.
هامکات دەگاو خربەت ئەڵشەعیری سەرنیشتوو زرگانیچشا بۊمبواران کەردۍ.
دەگاو خدر ئەلحەسەنی جە سەرنیشتوو تل تەمریچ سەعات ١٠:٣٠ دەیەقۍ بە کاتو ناوچەکەی بۊمبواران کریا.
سەبارەت بە زەرەرەکا ئا هرووژما زانیاری ورد هەڵای وەڵا نەکریانۆ.
