'دەوروو عەبدوڵا ئۆجالانی جە ماڕای داعشینە گرنگا'
مامۆساو زانشتگەو ئەزهەری شێخ ئەحمەد تورکی باسش چانەی کەرد کە جە ماڕای داعشینە دەوروو رابەروو گەلوو کوردی عەبدوڵا ئۆجالانی گرنگا.
یۆ جە ئەکادیمی و مامۆسایا ئەزهەری شێخ ئەحمەد تورکی ئەرەیاۋناش، گەلوو عەرەبی پەنەوازش بە رابەرێوە پېسە عەبدوڵا ئۆجالانی هەن، کە ساحیب تیۆری ئەخلاقی، سیاسی و گیانبازین. شێخ ئەحمەد تورکی سەرنجش وست سەروو دەوروو ئۆجالانی جە ماڕای داعشینە.
شێخ ئەحمەد تورکی بەشداریش جە دیڎارێوەنە جە کتێبخانەو ئەل بەلادەینە کەرد و کتێبەکەش بە نامۍ دار ئەلمەحروسەی ئیمزا کەرد.
ئەحمەد تورکی جە واچێوەنە سەرنجش وست سەروو دەوروو کوردا و رابەروو گەلوو کوردی عەبدوڵا ئۆجالانی جە ماڕای داعشینەو واتش، "مدرامانوو گەلوو کوردی جە عێراق و سوریانە دژوو داعشی بی بە مەڵامەتوو دلێنەشیەی ئا گروپە تیرۆریستیەیە. داعش ژەنی کوردۍ فرێش گێرتۍ، ۋەروو ئانەیچە جە سەرنیشت و ۋەرکەوتوو سوریاینە نیگەرانی سەرجەنۆ بەرکۊتەیۆ داعشی هەن. بەمەڵامەتوو کۆمکوشیەکا داعشیوە بە تایبەتی ژەنا ئێزدیی پەنەوازشا بە چارەسەری هەن. جە جەهانی عەرەبی و ئیسلامینە بە هەزاران کەسۍ بیەیشا هەن کە فاڕیێنۍ پەی بۆمبی زینڎەی. گەلوو عەرەبی و ئیسلامی پەنەوازشا بە رابەر و سەرکردێوە پېسە عەبدووڵا ئۆجالانی هەن، کە جە ۋۍ ۋییەردەو، فیداکار، ساحیب ئەندێشە، تیۆری ئەخلاقی و سیاسی بۆ. جە کتێبەکاو بەڕێز ئۆجالانینە گرنگی پێوەرە ژیۋای گەلوو کوردی، گەلاو هەرێمەکەی و دەسەبەرکەردەی ئاشتی و ئارامی جە دژوارتەرین وەختەکانە دەسنیشان کریێنۍ".
