کامەران عوسمان ئەندامو ڕێکوزیاو سی پی تی ئەمریکیی، جە پەڕەی تایبەتی ۋێشەنە جە پەلیانەو کۆمەڵایەتیی فەیسبووکینە، جە بارەو هرووژمەکا شەوەی ۋییەرڎۍ دۆڵەتو تورکیوە پەی سەرو پانیشتوو کورڎەسانی زانیاریی تازەش وست ڕووە.

کامەران عوسمان ئاماژەش پانەی دان، سوپاو تورکیای بە فڕۆکەی جەنگیی ٢٤ جارۍ بۆردوومانو ناوچەکا بنارو تەپ و ۋەهاری و پەشتەو دەگاو بەلاڤە، کەشو حۆت تەبەقی و دەگاکا کەفنە مژێ و سپیندارێ و گیرگاشێ جە بنارو گارێ ئامێدی، کەشو کتکتنی و خواکورکی جە سیدەکان، کەرڎەن.

هەرپاسە هرووژم کریان سەرو کەشو کۆخەی و کەشو تاڵەی جە چۆمان، دۆروبەرو دەگاو قەڵاتوکانی جە پشدەر، هەوارو ڕەوەندەکا دەگاو کوێرەکانی و کەشو ئاسۆسی جە سنوورو ماوەتی.

بەپاو زانیارییەکا ئا ئەندامەو سی پی تی ئەمریکیی، جە هرووژمەکانە هیچ هاموڵاتیێوە مەدەنیی نەبیەن بە قوربانی.