دەوڵەتوو تورکی دەگاێوە سەر بە شارباژێڕیش بۆردومانە کەردە
دەوڵەتوو تورکی ئەرەگیری دەگاو شینکێ شارباژێڕیش پانیشتوو کوردسانینە بۆردومانە کەردە.
بە پاو زانیارییەکا سەعات ١١:٠٠ فڕۆکەی بێفڕۆکەوانی هجوومبەروو دەوڵەتوو تورکی دەگاو شینکێ شارباژێڕو سلێمانییشا بۆردومانە کەردە، تا ئیساتێ نەزانییان کە هجوومەکە زەرەری گیانی و مادییش بییەن یان نا.
هجوومەکاو دەوڵەتوو تورکی پەی سەروو مەنتێقە مەدەنینشینەکا، پانیشتوو کوردسانینە بەردەواما.
٢٥و ئابی بۆردومانوو مەنتێقەو بەرواریی باڵاینە ٥ دەگێ سۆتێ، جگە جە باخو مێوەدەیمەو دەگانشینا، سەدان دۆنمێ زەمین سۆتەن.
٢٣ی ئابیچ مانتێقەو سەیدسادەقینە سەیارێوە ڕۆنامەوانا، بۆردومان کریا و دوێ ڕۆنامەوانێ گەشمەردێ بیێ.
