هجوومەکاو دەوڵەتوو تورکی ئەرەگیرکەری دژوو چێرخانی مەدەنی و ئەرەمەرزیا خزمەتگوزارییەکا وەرنیشتنە بەردەواما. هەرپاسە بارەگاو هامپەیمانیی میاننەتەوەییچ کۊبانێنە تۊپواران کریا.
دەوڵەتوو تورکی ئەرەگیرکەری دماو هجووم و پەلامارە وەرفراوانەکاش مانگەو کانوونوو یوەمینە، جارێوە تەر ڕاستەوخۊ دەسش بە تۊپوارانوو هەرێمە مەدەنییەکاو سەرنیشت و وەرکەوتوو سوریای کەردەنۊ.
دەوڵەتوو تورکی، کە تاوانوو جەنگی کەرۊ، ئی جارەیچشا هجوومش کەردەن سەروو چێرخانی مەدەنی و ئەرەمەرزیا خزمەتگوزارییەکا.
کۊبانێنە بارەگاو هامپەیمانیی میاننەتەوەیی تۊپواران کریا
بارەگاو هامپەیمانی میاننەتەوەیی جە چەلەبیەو شاروو کۊبانێنە تۊپواران کریا، بارەو ئەنجام و زەرەرەکاوە زانیاری وەڵا نەکریانۊ.
عەین عیسانە وێستگێوە کارەبۍ کریا ئامانج
هەرپاسە فرۊکێوە دەوڵەتوو تورکی ئەرەگیرکەری خاڵێوە وشکنای هێزەکاو ئاسایشوو دلێش جە پانیشتوو عەین عیسای و وێستگەو کارەبێش چاگە بۊردومان کەرد و کارەباو مەنتێقەکەیش بڕیە.
دربێسیەنە کۊگێوە واردەی بۊردومانە کریا
کۊگێوە واردەی جە دربێسوو حەسەکەی و یانێوە دەگاو گربەتەلی کریا ئامانجوو دەوڵەتوو تورکی. بارەو بۊردومانەکەیۊ زانیاریۍ وردەسۍ نییەنێ، وەلۍ ئەگەر هەن بۊردومانەکەو دەگاو گربەتەلی بریندارێش چەنەبا.
ئەنجومەنی گرۍ سپی-ی ناڕەزایەتییش بەر وست
دماو تۊپوارانکەردەی وێستگەو کارەباو مەنتێقەو عەین عیساو کانتۊنوو فوراتی و خاڵێوە وشکنای هێزەکاو دلۍ (ئاسایش)، کە نزیکێنۍ جە بارەگاو هێزەکاو روسیایۊ باشووروو شارەکەینە، ئەنجوومەنوو گرۍ سپی ئەرەیاوناێوەش وەڵا کەردۊ.
دلێشنە ئامان، "پاگێڕتەیرەیما سەروو کۊشیای وەراوەروو هجوومەکاو دەوڵەتوو تورکی زیاتەر بۊ و پێوەسبییەیما بە خاکەکەیماوە قەوەتتەر بۊ ".
