٢ ساڵێ جەی وەڵتەر، جە ڕێکەوتو ۲۰۱۹/۰۷/۰٥ی جە قەندیل، دیار غەریب ئەشناسیا بە هەڵمەت ئەندام جە کۆنسەو گردیی سەرۆکایەتیی کۆما جڤاکێن کوردستان (کەجەکە-KCK)ی و دووێ گەریلایێ هامڕێش بە نامەکێ شاهین و دەڤرانی بە بۆردومانو باڵەپڕە جەنگییەکێ تورکیای ئەرەگێرەری شەهیدێ کریێ.

شەهید هەڵمەت چارەکە سەدێۋە دلێ خەبات و کۆشایی ئازادی (پەکەکە-PKK)یەنە جاگەش گێرتەبێ و کارا پەی یەکێتی نەتەوەیی و ئازادی و مافەکێ کوردی و گەلە بندەستەکان کۆشیا و سەرو بنەما خەتەو ئاپۆیی پەی یاوای ئازادی و حەقیقەتی ڕەنجی فرەش دا و دەرەنجام هەر ئا ڕاگانە گیان و جستەش بەخشا و جاویدانی و نەمریش بەدەستوت.

شەهید سەرکەردە دیار غەریب  (هەڵمەت)، هامتەریب چەنی خەبات و کۆشای ئازادی نویسەر و پەیجۆرکاریوی گەورەر بێ و بە تایبەتی دلێ دێرینە و مێژوو کوردییەنە قاڵ بییەبێوە و جە ئی چوارچوەنە چەندین وتارێش نویستێنێ و چەندین سیمینارێ و کۆڕێ و کۆمبیێش ڕێکێوستێنێ. هام کات چەنڎین کتێبێ و کتێچێش نویستێ کە گرنگتەرینێشان ئی کتێبێ و کتێبچێنێ:

خوێندنەوەیەکی نوێ بۆ مێژووی کوردستان

کورتە مێژوویەکی ئێراق و باشوری کوردستان

خۆبەڕێوەبەری دیمۆکراتیی

مانیفسۆی گەنجانی باشوری کوردستان

قەیرانی سیستەم و پرسی پێشەنگایەتیی لە باشوری کوردستاندا

هەڵوەستەیەک لە سەر ئایین و باوەڕمەندیی

کۆما جڤاکێن کوردستان (کەجەکە-KCK)، پارتو کارکەرانو کوردستانی (PKK-پەکەکە)، هێزەکێ پارێزنای گەلی (HPG-هەپەگە) و ڕێکوزیاکێ تەرێ سەر بە جەمیەرو ئازادی و هەرپاسە چینە جیێ جیێکێ گلێرگەو کوردستای، ئا هێرشە کە دژ بە شەهید هەڵمەت-ی و هامڕاکانش ئەنجام دریا، بە هێرش دژ بە ڕێبەرایەتی و یەکێتی نەتەوەیی کوردی و زیانی گەورە پەی دۆزەو کوردی جە قەڵەمشان دابێ و ستاییش و سپاسگوزاری وێشان پەی ئا سەرکەردە و هامڕاو ئازادییەشان وستەبێ ڕووە.
هاوەخت جە قۆناخەو ئارۆیەنە کە ئەرەگێرتەیی تورکیا جە پانیشتو کوردستانی یاوان قولە و پەی خوڵقنای یەکێتی نەتەوەیی کوردستانی و ڕێکوستەی دلێ یانەو کوردی، نەبییەی دیاری غەریبی زیانێ گەورەن، چونکە شەهید هەڵمەت هامتەریب چەنی خەباتی جە بوارەکێ تەرێنە، جە بوارو ڕووبەڕووبییەی ئەرەگێرتەیی تورکیا و خوڵقنای یەکێتی نەتەوەیی جە پانیشتەنە پێشەنگ بێنە. هەر وەرو ئانەیە بێ جەلاو ڕژێمە ئەرگێرەکەو تورکیایەوە کریا ئامانج.

جە دمای ٣ ساڵان جە شەهیدبییەش کەچی ڕۆڵ و جیگا و کۆشاییشو دیار غەریب (هەڵمەت) هێشتایکاریگەریش سەرو کۆشای و گلێرگەو پانیشتو کوردستانیەوە مەندەن، هەر پەوکەی جە ساڵیادو گەشمەردەیی و سەفری جاویدانیشەنە هەم جە کوردستان و هەم جە هەندەران کوردێ و ئازادیوازێ یادش نمەکەرانێ و بەفراوانی یادش مەکەرانێوە و ڕێز جە خەباتەکەیش منیانێ.