دیدارو مابەینو شاندو ئیمراڵیی دەم پارتی و داودئۆغڵوی دەسش پنەکەرد
شاندو ئیمراڵی دەم پارتی جە چوارچېوەو سەردانەکاش پەی لاو پارتە ڕامیارەکا، چنی سەرۆکو گرڎی پارتو گەلەجەک ئەحمەد داودئۆغڵو گلێربییۆ.
شاندو دەم پارتی دماو ئانەی جە ئیمراڵینە دیدارش چنی ڕابەر ئاپۆی ئەنجامدا، دەسش بە سەردانکەردەو سەرکردەو پارتە سیاسیەکا کەرد.
سەرۆکو فراکسیۆنو پارتو دیموکراسی و یەکسانی گەلا (دەم پارتی) سری سورەیا ئۆندەر و پەرلەمانتارەو بازنەو وانی پەروین بوڵدانە و هامسەرۆکو شارەوانی گۆرەو شارو مێردینی کە قەیوم یاگەکێشەنە نریارە ئەحمەد تورک چنی سەرۆکو گرڏی پارتو گەلەجەکی ئەحمەد داودئۆغڵو گلێرێ بیێ.
شاندو دەم پارتی وەڵێ دیدارەکەینە وەردەمو مییانکەو گرڏی پارتو گەلەجەکی جەلایەنو داودئۆغڵو و پەرلەمانتارا پارتەکەیۆ خێرئامایشا ونەکریا. دیدارەکەشا بە شێوێوە وزیارەی رووەو ئەرەیاوناکانە ملۆڕاوە.
