دیمەنوو ئا چالاکیەی کە چنەشەنە ٣٦ ئەرەگیرۍ سزا دریۍ وەڵاکریاوە
گەریلاتیڤی ڤیدیۆ و ئۆپراسیۆنی شۆڕشگێڵنانەو خواکورکیش وەڵاکەردۆ، کە جە دما دمایی مانگەو کانوونوو یووەمینە ئەنجامدریا و جە ئاکامەنە دەیان ئەرەگیرۍ سزا دریۍ.
چا گرتە ڤیدیۆییەنە کە گەریلا تیڤی وەڵاکەردەنۆ، بەرگنۆ کە سەرەڕاو سەختی ئاژەو زمسانی، یەکینەکۍ گەریلای ملا سەروو پێگەو سەنگەرەکا سوپاو ئەرەگیروو تورکیای.
چا چالاکییەنە کە جە چن قۆڵێوە ئەنجامدریان، دیمەنوو سەروازە کوشیایەکا و چەک و سەنگەرەکا تۊمارکریان.
ناوەنڎوو ئەرەیاۋنای و چاپەمەنی هەپەگەی وەڵتەر جە ئەرەیاۋنېوەنە ئاماژەش پانەی کەردەبۍ کە ڕۊو ٢٢ۍ کانوونوو یووەمی سەعات ١٥:٠٠ جە ئۆپراسیۆنێوە شۆڕشگێڵنانەنە بە نامۍ یۆ جە فەرماندە سەرمەشقەکا گەریلای گەشمەرڎە ئەحمەد ڕوباری جە خواکوڕک ئۊپراسیۊنی شۊڕشگێڵنی ئەنجامدریان.
باس چانەیچ کریا کە چی ئۆپراسیۆنەنە ٢٧ ئەرەگیرۍ سزا دریېنۍ، کە گەریلاکۍ لوێنۍ سەروو لاشەو ١٧ یشا و دەسشا سەروو چنڎین جۊرا جە چەک و تەقەمەنیرە گرتەن.
جە مەتینایچەنە چالاکیێوە هەماهەنگ کریابۍ و ٩ ئەرەگیرۍ سزا دریێبێنۍ.
سوپاو تورکی، کە بە شێوێوە سیستماتیک زەرەرە گیانیەکاش جە رای گرڎیی مشارۊوە، دماو ئا چالاکیە ناچاربیەبۍ کە دڎانبنیۆ بە کوشیای لیوا رەمەزان گونای، چاوشی پسپۆر محەمەڎ سەرینکان، سەرواز ئیسماعیل یازجی، سەروازە بەکرۍ گرتەکا ئەمرە تاشکین، یاسین کاراجا و چاغاتای ئەرەنئۆغڵویرە.
