بارەو ئا چەتاوە کە دەوڵەتی ئەرەگیروو تورکی سووریاوە پەی پانیشتوو کوردسانیش فاڕێنێوە،زانیاری و بەڵگێ تازێ وەڵێ کریێوە، هەولێر و بەغدایچ وێشا کەڕ و لاڵ کەردەن.بە بێدەنگیی وێشا مبانە بە هامبەشێ ئەرەگیری.

چی دمایوە ڕۆنامەوان هونەر ئەحمەد لوان دەگاو بەلاڤوو مەنتێقەو ئامێدیی پارێزگاو دهۆکینە و  لە پاڕێزگای دیمەنوو چەتەکاش تۆمار کەردەن کە دەوڵەتوو تورکی تورکی چاگە بنێش پنە وستێنێ.

ڕۆنامەوان هونەر ئەحمەد ئەرەیاوناش، کە چەتە بنەوزیێکێ ڕیششا درێژەن و پێوە بەعەرەبی قسێ مکەران.

هونەر ئەحمەد واتیچش، "ژمارەو چەتەکاو دەوڵەتوو تورکی، کە پەی  ئەرەگیەیی پانیشتوو کوردسانی هەرێمەکەنە بنیشا پنە وزیێنە ٦٠٠ کەسێ هەنێ، کە عەفرین و جندرێسۆ ئاریێنێ و ئیساتێ جە وەشکەردەی بارەگای تازەی سەروازیینە بەکارێ مەیا."

قسەکەروو یەنەکەی سەعدی پیرە ٧و تەمووزوو ٢٠٢٤ ئەرەیاونابێش،نزیکەو ٣٠٠ چەتاو داعشی هیەرێموو بەرواریی باڵاینە بنێشا وستێنە، چا وەختاوە بنەپنەوستەی چەتەکا چاگە بەردەواما.

ناوەندوو تۆمارکەردەی پاشێلکارییەکاو مافوو ئینسانی سەرنیشت و وەرکەوتوو سوریایچ ٢٣ێ تەمووزیوە، ڕاپۆرتێونە ئەرەیاونابێش، کە دەوڵەتی ئەرەگیروو تورکی ٣٠٠ چەتێ داعشیش  سوریاوە فاڕێنێوە پەی پانیشتوو کوردسانی.