ئەندام پەرلەمانی فیدڕاڵی فابیان مۆلینا جە ڕۆژەڤو پەرلەمانو سویسرای باسش جە پێشئامایەکا سووریای کەرڎ. فابیان مۆلینا ئاماژەش پانەی کەرڎ کە ۋەرنیشت قەڵێوەنە نوێنەری دیموکراسی و ئارامی مکەرۆ و پەی پارێزنای ۋەرنیشتی بانگەوازش کەرڎ.
پێشئامایەکۍ سووریای جارێوەتەر گرنگی ئیدارەو ۋێڕاوەبەری سەرنیشتی و ۋەرکۊتوو سووریای جە مېڎانی مېیان دەوڵەتینە کەرد بە ڕۆژەڤ. ئەندامو کۆمیسیۆنو هەرمانوکارو جبەرو سویسرای پەرلەمانتار فابیان مۆلینا پێشنیازێوەش پێشکەش بە پەرلەمانو فیدڕاڵی کەرڎ و ئەرەیاۋناش کە ۋەرنیشت هێڵێوە گرنگەنە پەی پارێزنای هەرێمەکەی و جەختش کەردۆ کە ۋەرنیشت پەناگێوەن جە دژو هێزە جیهادییەکا ڕابەرایەتی مڎرامانی مکەرۆ.
"ۋەرنیشت ئینا چێرو تەرسێنە"
فابیان مۆلینا ئەرەیاۋناش کە پارێزنای ۋەرنیشتی تەنیا پەی سەقامگیری هەرێمەکەی نییا، جە هەمانکاتەنە پەی پارێزنای بەهاو دیموکراتیکی گرنگی ۋێش هەن و جە پێشنیارنامەکەیشەنە ئینێشە وەڵاکەردێنۍ: "جەنگ جە سووریانە دژوار مەبۆ، ۋەرنیشت جە هەرێمەکەنە، قەڵاو ئارامی و دیموکراسییا جە دژو جیهادیستەکا، بەڵام ئی ۋێڕاوەبەریە فیدراڵە ئینا چێرو هەڕەشۍ جدی هێزە جیهادییەکانە". پەرلەمانتار فابیان مۆلینا ئی پرسیارێشە جە شالیارو جبەرو سویسرای کەرد:
-سویسرا چنی هامکاری مرۆیی ۋەرنیشتی مکەرۆ؟
-سویسرا پەی پارێزنای مەدەنییەکا جە سووریانە، چ ڕێوە بەکارد مارۆ؟
-کۆنسەو فیدڕاڵی پەی ڕاگێرتەی جە کۆچبەربیەی زیاتەری، چ ڕێوە ستراتیجی بەکارمارۆ؟
