فیدراسیۆنوو گەلاو کوردستانی (فەد-گەل) دەربارەو ئاهەنگوو نەورۆزوو فرانکفۆرتی ئەرەیاوناێوەش وەڵا کەردۆ داواش وەنەو بەشداربییا کەردە.

فەد-گەل ئەرەمیاونۆش کە ٥٠ ساڵەو کۆشیاینە سەلەمیان نەورۆز پێسەو بەرێوە مدرامانی و ئیرادەو ئازادی نمەکوشیۆوە و مواچۆ: "تا ڕۆڵە قارەمانەکاو گەلوو کوردستانی کە خاوەنداریی وەنەو هەرمانێ تارێخیێشا مکەرا، مدرامان بکەرا، ئاویروو نەورۆزی کەش و دەشت و شارەکانە هەمیشە گەش مبۆ".

فەد-گەل داوا وەنەو کوردستانییا مکەرۆ بەشداریی هەرمانێ تارێخیێشا با، دووێ ژەنێ سەرمەشقێ ڕوناهی و بێریڤانە، کە ساڵەو ١٩٩٤ پەی شەرمەزارکەردەی سیاسەتوو دژە کوردوو دەوڵەتوو ئەڵمانی ئاویرشا وەنەو جەسەیشا وەردا، یاد بکەراوە، هەرپاسە بەشداریێوە قەوەت جە ئاهەنگوو نەورۆزوو ٢٣ ئاداروو فرانکفۆرتینە بکەرا.