فیدارسیۆنو کوردەسانیا ئازادی جە وەرکەوتوو ئەڵمانیاینە (فەد-کورد) دەربارەو پەیامە تاریخییەکەو ڕابەر ئاپۆی کە سەعات ١٥:٠٠ بە کاتیوئەورووپای دریۆنە، ئەرەیاونێوە وەڵاکەردۆ.

فەد-کورد ئەرەیاوناکەینە ئاماژەش پانەیە کەرد، کاتو ئەرەیاوناو پەیامەکەو ڕابەر ئاپۆی گرنگترین کاتو تاریخو ئەوەکۆشای تەڤگەرو ئازادییا و پەی ئایندەو گەلا مانێوە گرنگەو تاریخییەش هەنە.

حەر جە ئەرەیاوناکەینە جەختکریانۆ چانەی پەیامەکە نەخشەڕێوە ئازادییا جە دژو ستەمی، ئاشتییا جە دژو جەنگی و دیموکراسیی جە دژو دیکتاتۆریەتی.

جە ئەرەیاوناکەینە داواو پێشوازیکەردەی بە جۆشی کریان و ئامان: "پەی گۆشگێرتەی و خاوەنداریکەردەی جە پەیامەکەی داوا جە کوردستانیا ئەرەنیشتەو ئەورووپای مکەرمێ، سەعات ١٥:٠٠ بەکاتو ئەورووپای جە مییانە گلێرگەکا، و مێڏانەکانە بە وەشیۆ گلێرێ باوە."

 ئەرەیاوناکەینە داوا جە کوردستانیا و دۆساشا کریان سەعات ١٤:٣٠ بە کاتو ئەورووپای جە مێڏانو دەروازەو براندنبێرگینە جە بەرلینەنە گلێرێ  باوە پەی خاوەنداریکەردەی جە پەیامە تاریخییەکە ڕابەر ئاپۆی.