فه‌رمانڎه زیلانە جە لیماسۆلنە یاڎش کریاۋە
زیلانە، كه ٢٧ ساڵۍ چێۋەڵتەر جە دێرسیم به ئه‌نجامدای چالاكیېۋە گیانبازی جە دژوو سوپاو توركی ڕاش پۍ قۆناغه‌كەی کەرڎۊ، جە مه‌راسیمێوەنە شارو لیماسۆلی قوبرس-ینە یاڎش کریاۋە.
گەشمەرڎە زیلانە (زه‌ینه‌ب كناجی)، كه پېسە نۋیستەکەو ۋېشەنە ئاماژه‌ش پنەکەرڎەبۍ، پۍ ئانەی بۊ بە خۊتان ژیۋایۍ ماناڎار، ڕۊو ٣٠ی حوزه‌یرانو ساڵەو ١٩٩٦ ی جە دێرسیم جە مەنزڵو زه‌ریفەی و به‌سێیانېنە به ئه‌نجامدای چالاكیی گیانبازی، بیە به ڕەمز و سیمبولو ژیایۊی ژەنا كورڎی.
گەشمەرڎە زیلانە جە مه‌راسیمېۋەنە جە شارو لیماسۆلی یاڎش کریاۋە. مه‌راسیمه‌كه جە ناوه‌نڎو ڕۆشنۋیری كورڎی تیۆفیلۆس جە شارو لیماسۆلی به سەرمەشقی (سه‌رپه‌رشتی) كۆمیته‌و خانەواڎەو گەشمەرڎا سه‌ر به ئه‌نجومه‌نو گه‌لوو كورڎی جە قوبرس لۋاڕاوە. یاگۍ مه‌راسیمه‌كەی به لافیتېوە، كه ۋێنه‌و گەشمەرڎا له‌یلا یڵدز ( شارستان ئاسمین)ۍ، فلیز یه‌رلیكایا (گولان)ۍ، سه‌ما یوجه (سه‌رهڵدان)ۍ، خه‌دیجه حه‌زه‌ر (بێریڤان زیلان)ۍ، ده‌لال عه‌زیزئۆغڵوو (ڕاپه‌ڕین ئامه‌د)ۍ، زه‌ینه‌ب كناجی (زیلان)ۍ و ئاڵاکا په‌كه‌كهی و یه‌په‌گه‌ی ڕازیابېوە.
مه‌راسیمه‌كه به ڕێزگېرتەی جە گیانو گەشمەرڎا ده‌سش پنەکەرڎ. دماتەر گوڵستان ئاكشاهینە، قسەکەرەو كۆمیته‌و خانەواڎەو گەشمەرڎا و سیاسه‌ڎمه‌ڎار كامیل ئاكالن قسېشا کەرڎۍ. وەختۍ ئاكالن یاڎەوەریەکۍ ۋېش چنی زیلانۍ گېڵنېوە، كه‌شێوە پەڕ جە هەست سەرو مه‌راسیمه‌كه‌یرە زاڵ بی. دماتەر فیلمېوە جەبارەو ژیۋای گەشمەرڎا مانگەو حوزه‌یرانیۊ نمایشكریا.
مه‌ڕاسیمو یاڎکەرڎەیۊکەی به دروشمه‌كا "گەشمەرڎۍ مەمرا" و بژیۋۊ سه‌رۆك ئاپۆ" دمایش پنە ئاما.
هـ . ش
