کۆردیناسیۆنو پارتو ئازادیی ژەنا کوردەسانی (پاژک) بۆنەو ٤٦ـەمین ساڵوەگەڕو ئەرەمەرزنای پارتو کرێکاراو کوردەسانی-پەکەکەیۆ ئەرەیاونێوەش وەڵا کەرڎۆ.

پاژک جە سەرەتاو ئەرەیاۋناکەینە پێشوازیش جە ئەرەکۆشای ٤٧ـەمین ساڵەو ئەرەمەرزنای پەکەکەی کەرد و ئی ڕوەشە جە ڕابەر ئاپۆی و هەڤاڵا سەرمەشقی و گرڎو کۆششکارا و گەلی و ئەڎایا گەشمەرڎا و گەریلاکاو ئازادیی پیرۆز کەرد و ئەرەیاۋناش، پەکەکە تا ئیساتۍ جە دژو سیاسەتو نکۆڵی و ئەسڕیەیۆ، ئەرەکۊشایۍ سەرەمڕەیش پەیڕەوکەردەن و بە ئیراڎە و هەڵوێسو ڕۆی یووەمیوە یاوان ئی ئاستە، پەکەکە ئشناسنامە، هیوا و ئیراڎەو ژەنۍ ئازادۍ و گەلوو کوردین.

جە ئەرەیاۋناکەو پاژکینە ئامان، جە ئەڎابیەو پارتەکەیما جوابو حەقکەردەیۆ و تاریخی بۍ جە دژو دۆڵەتو فاشیستی تورکی  قڕکەری، هەرپاسە سەرەتاو ئاسۆیۍ تازەی بۍ بەرەو بنیاڎنیای پرۆسێوە گەورەی و هۆرچەرخنای نەتەوەیی کە سەر جە نۆ هیوا و متمانەش پەی بەشەکا گلېرگەی گێڵناوە، ئی هەنگامۍ بە سەرمەشقایەتی ژەنۍ و جوانا فاڕیا پەی شۆڕشو ڕزگاریی گەلوو کوردی و کوردەسانی.

ئاماژە پانەیچ دریان، پەکەکە جە ۋەرکۊتوو مېیامینی و جەهانینە جە بوارو گەشە ئەسای ئەرەکۆشای نەتەوەی دیموکراتییکینە دەورش گێڵنا و هێڵۊو یەرەمی کە جە ۋەرکۆتوو مېیامینینە گرڎو گەلا باسش مکەرا، جە ۋەرا ۋەرو هرووژمی دماکۆتەیی و هەژموونگەرایی و هەرێمینە جە ۋەرا ۋەرو هرووژمەکا دۆڵەتو فاشیست و قڕکەری تورکینە، بە مڎرامان درێژە بە ۋێش مڎۆ.

پاژک ماچۆ: پەکەکە بە هێڵۊو ئازادیی ژەنا، هێڵۊو سیاسیی و سیستەمو ڕێکوستەی کە هۆش و زېڵۍ ژەنا مکەرۆنە ئامانج، کاریگەریی سەرو گرڎو ڕێکوستەیە چەپگەر، ئێکۆلۆژیک، ئازادییوازاو جەهانی مکەرۆ و سەرمەشقیشا مکەرۆ.

باس چانەیچ کریان، جەختکەردەیۆ جە ئەرەکۆشای کە گەریلاکاو هەپەگەی و یەژاستاری سەرمەشقایەتیش مکەار جە پرۆسەو مڎرامانینە پەشتەو ئاکەپە-مەهەپەیش ماڕان و ئا گورزۍ کە گەریلاکاو یەژاستاری جە سوپاو فاشیستی تورکیشا شانێنۍ سوپاو تورکیشا سەرگەردان کەردەن.

جە دما دمایی ئەرەیاۋناکەینە ئامان، بانگەواز مکەرمۍ جە گرڎو هێزە ئازادییوازەکا، دیموکراتیوازەکا و سیاسییە کوردەسانی، عەرەب، جەهانی و چالاکا مەدەنی، ڕێکوستەیاکا ژەنا، ئانۍ کۆششی کەلتووری و یاسایی مکەرا بەشداری هەڵمەتۊو پەشتیوانی بانۍ، ئی هەڵمەتۍ نیشاندەرەو هێز و ئیراڎەو گلێرگەکان بەرەو یەکانگیرکەردەی هەوڵەکا پەی پێکئاوردەی ئازادیی جەسەیی ڕابەر عەبدوڵا ئۆجالانی و هەرپاسە تەنیا گرەنتی چارەسەرە گونجیاکان چی قۆناغە پەر جە سەختییەو هەرێمەکەی و جەهانینە.