هېزی ۋېرەگا فڕۆکە جەنگیەکۍ دەوڵەتوو تورکی دووۍ کەڕەتۍ جە وەختی جیاجیانە هەرێموو برادۆسیشا جە سیدەکان و سەر بە پارێزگاو هۊلێری بۆردومان کەرڎ.

بەپاو زانیارییەکاو ڕۆژنیوزی، فڕۆکە جەنگیەکۍ دەوڵەتوو تورکی ئەرەگیری بە چڕی بۆردومانوو مەنتیقەو گەروێ سینگانی و دەگاو بێرکمیشا جە هەرێموو برادۆستی بوردومان کەرڎەن.

یاگۍ ئاماژەپنەداین کە، هېزی فڕۆکە جەنگیەکۍ دەوڵەتوو تورکی ئەرەگیری جە مەنتیقەو بامەڕنێ - ئامێدی سەر بە پارێزگاو دهۆکی بۆردومانوو خەڵکی مەڎەنیشا کەرڎ و جە ئاکامەنە کەسێوە گیانش جە دەسدا و کەسێوەتەریچ زامڎار بی.