واتەواچو ناوەندو ئەرەیاونای قەسەدەی فەرهاد شامی ئاماژەش پانەیەدان گردو ئا زانیارییا چبەرو ئەرەیاونا ڕسمییەکاوە وەڵاکریاوە، خزمەت بە جەنگی تایبەتی مکەرا و واتش: "ڕاس نیا جە ئیسەنە بڕێ زانیاریێ سەروازیێ وەڵێ کریاوە.
واتەواچو ناوەندو ئەرەیاونای و چاپەمەنی هێزەکا سووریای دیموکراتیک (قەسەدە) فەرهاد شامی جە قسەکاشەنە پەی کەناڵو ڕووناهی تیڤی سەرو دما پێشئامایەکا جەنگی جە هەرێمەکەنە و هروژموو دۆڵەتو تورکی ئەرەگیری و چەتەکاش قسێش کەردێ و ئاشکراش کەرد جە ئیسەنە قەسەدە جە لێوە چنی چەتەکا دۆڵەتو تورکی و جە لێوە تەرۆ وەراوەرو گرووپە چەتەکا داعشی ئینا جەنگەنە.
شامی ئاماژەس پانەیەدا، دۆڵەتو تورکی گرژییەکا مەنتیقەکەیش فاڕێنێ پەی هرووژمی پەی سەرو گردوو گەلا هەرێمەکەی و واتش: "جە کاتێنە چەموو گردینی سەرو حەلەبی بۍ، دۆڵەتو تورکی ئەرەگیری و چەتەکاش ڕووەشا جە هەرێمەکا ئیدارەو وێڕاوەبەری کەرد."
مڏرامانوو جەنگاوەرا قەسەدەی بەردەواما
جە بەشێ تەرو قسەکاشەنە شامی دەسنیشانشکەرد گردوو ئا هرووژما بە مەرامو دەس سەرەرەگێرتەی سردە و قەرەقۆزاخی ئەنجام دریێنێ. جە لایەنو جەنگاوەرا قەسەدەیۆ مەڕیێنێ. هەرپاسە گردوو هرووژمەکا سەرو بەنداو تشرینی شکسشاپنە ئامان. جە هرووژمەکا دێر حافیری و حەلەبینە، چاکاتەنە چەتەکێ هەوڵو پڕایۆ پەی ئامای دلێو هەرێمەکەی دێنێ ٣ چەتێ کوشیێ و دەس سەرو چەکەکاشارە گیریا.
واتەواچو ناوەندو ئەرەیاوناو قەسەدەی فەرهاد شامی جەبەردەوامیینە جەختش چانەیە کەردۆ گردو ئازانیارییە ناڕەسمییا وەڵاکریاوە نییەنێ ئیسفاڎەو دۆخەکەینە و بابە مەڵامەتێ پەی ئیسفاڎە یاونای بە مەرامەکا جەنگی تایبەتی.
'دۆخەکە گرژا و جەنگو مەنەی و نەمەنەین'
جە بەردەومیینە شامی سەرنجش وس سەرو کۆمکوژییەکا چەتەکا دۆڵەتو تورکی و هەتەشەی، کە چنین جە دما و وڕناو ڕژێمەکەو ئەسەدی ئەنجام دریێنێ و واتش: "جە ئیسەنە گرد یاگێنە دیمەنۍ وەڵاکریاوە، بابەتەکە تەنیا فاڕاو ڕژێمی نییا. بەڵکوم جە وڵاتەنە ئاژاوێ و کارەسات ڕووەمڎا. ئانەی وەڵتەر داعش کەردەنش جە ئیسەنە گرووپە چەتەکۍ دۆڵەتو تورکی ئەرەگیری ئەنجامش مڎا. قڕکەردەی مەزهەبی ئەنجام مڎا. با گەلەکەما هۆشیار بۆنە و ئی جەنگە جەنگو مەنەی و نەمەنەین."
'تەنیا ئەرەیاونا ڕەسمییەکا بە بنەما هورگێرا'
جە دمایینە واتەواچو ناوەندو ئەرەیاوناو قەسەدەی فەرهاد شامی جەختش چانەیە کەردۆ نمەبۆ بەحیچ جۆرێ ئا قسێ و ئەرەیاوییا ناڕەسمییا وەڵێ کریاوە بە بنەما هورگیریا و دەسنیشانشکەرد تەنیا پەشتی بە ئەرەیاوییا ڕەسمییەکا ئیدارەو وێڕاوەبەری و قەسەدەی بینانە و ئینەش وات: "جەنگی تایبەت ڕەهەندێوە ئەساسییو ئەرەگییرکارییا. هەر چێوێ بێ ئاراوە مشۆم بەشێوێوە ڕەسمی وەڵاکریۆوە. با گرد لێوە چەمشا سەرو قەسەدەی بۆ. پاکتەرین هێزو سوریای قەسەدەن. جە گردو شارەکا سوریاینە گەلو سوریای هەوڵمڎا جە سنورو چێر و دەسەڵاتو قەسەدەینە بژیوا."
