دەوڵەتوو تورکی ئەرەگیری دماو شکسەکەیش زاپەنە، یۆ جە دماو یۊی گلېرۊبیۍ ساز کەرۆ. وەزیر یاشار گولەر و فەرمانڎە ئەرەگیرەکۍ ئامۍ شڕنەخ. ئەردۆغانیش چنی وەزیرەکاش گلېرۊبیەی نائاسایی ساز کەرۆ.
ئەرەیاۋییا، کە جە ئۆپراسیۆنی شۆڕشگێڵنینە گەریلاکۍ ئازاڎیی کوردسانی جە زاپ، ژمارێوە فرە ئەرەگیرێشا کوشتێنۍ و ژمارېوە فرە چەکێچ دەسشا سەرەرە گیریان.
وەزارەتوو وەرگیری دەوڵەتوو تورکی حەرچنڎە حۊڵمڎۆ زەرەرەکا ۋېش بشارۊوە، ناچار بی ئاشکراش کەرۆ کە ٩ سەروازێش کوشیېنۍ و ٤ی تەرشا زامڎارۍ بیێنۍ.
دماو شکسەکەو سوپاو تورکی، وەزیروو وەرگیری یاشار گولەر سەردای شرنەخیش کەرڎ. فەرمانڎەو گرڎیی مەتین گوراک و فەرمانڎەکۍ سوپێچش چنی بێنۍ.
دماو شکسەکەی ئەرەگیرەکۍ کوۍ باوە
دماو شکسەکەیشا زاپەنە، تەسەور کریۆ سەرۆککۆماروو تورکی تەیب ئەردۆغان و وەزیرەکێش ئارۆ کوۍ باوە. سەعات ١٤:٣٠ دەیەقۍ ئارۊی جە دۆڵمە باخچەو ئیستەنبوڵی بە سەرۆکایەتی ئەردۆغانی گلېرۆبیەی 'ئەمنی' ساز کریۆ.
وەزیروو جبەری هاکان فیدان، وەزیروو دلېینەی عەلی یەرلیکایا، وەزیروو وەرگیری یاشار گولەر، فەرمانڎەو گرڎیی سوپۍ مەتین گوراک و راوێژکارو میتی ئیبراهیم کاڵن بەشداری جە گلېرۊبیەکەو نویسینگەو ئەردۆغانینە کەرا.
