جە چوارچێوەو سەرۋنەداکەیشانە، شاندو ئیمرالی دەم پارتی، کە دماو دیدارەکاشا چنی ڕابەرو گەلوو کوردی عەبدوڵا ئۆجالان دەسش پنەکەرڎەن، هېزی سەرشا ۋنەو هەرێمو کوردەسانی دا و ئارۆ جە پیرمام، سەرشا ۋنەو مەسعود بارزانی، سەرۆکو پەدەکەی دا و جە ئیساتێنە کۊبیەیۆ بەینیشا دەسش پنەکەرڎەن.

ئەنداماو شاندەکەو ئیمرالی دەم پارتی

شاندەکە پێکئامان، جە پەروین بوڵدانۍ و سری سورەیا ئۆندەری، ئەنداما سەرەکی شاندو ئیمرالی و پەرلەمانتارا پارتو یەکسانیی و دیموکراسیی گەلا (دەم پارتی)، کەسکین بایندر، هامسەرۆکو پارتو هەرێمە دیموکراتییەکا (دەبەپە)، ئۆزگور ئەرۆل و ئیبراهیم بیلمەز جە نووسینگەو یاسایی سەدەی، بەردان ئۆزتورک، هاموتەواچو کۆمسیۆنو پەیوەندییەکا جبەرو دەم پارتی، پەرلەمانتارا گولجان کاچماڵس و مەهمەت کاماچ-ەنۍ.

قەرارا شاندەکەو ئیمرالی دەم پارتی جە چن ڕۊی ئایندەنە چنی نێچیرڤان بارزانی، سەرۆکی هەرمانڕاییکەرو هەرێمو کوردەسانی و بافڵ تاڵەبانی سەرۆکو یەنەکەی گلێر بۆوە.