دماو ٢٥ ڕووا جە ئەنجامدای ڕاپیمای درێژی ٢٦ ڕووەی، ئارۆ گەل بە مەبەسو شەرمەزارکەردەی پیلانگێڵنی مېیاننەتەوەیی جە مېڎانوو گلېرۆبیەو ستراسبۆرگینە گلېرۍ بیێوە. گلېرۊبیەکەی بە سرودەو 'ئەی ڕەقیب'ی دەسش پنەکەرڎ و درووشمەکۍ دژ بە پیلانگێڵنی بە بەرزی وچیێوە.

بە هەزاران کەسۍ کە مېڎانەکەشا تەنان، درووشمەکۍ "بژیۋۆ سەرۆک ئاپۆ"، "بێ سەرۆکی ژیۋای نمەبۆ"، "بژیۋۆ مڎرامانوو کۆبانێ" بە بەرزیی و توڕەییوە ماچاوە.

'بەبێ ڕابەر ئاپۆی پرسەکۍ کوردی چارەسەر نمەکریا'

جە گلېرۊبیەکەینە هامسەرۆکۊو کەجەدەکە-ئەورووپای زوبەیدە زومروتە قسێش کەردۍ و ئاماژەش پانەی دا مەرامەکۍ پیلانگێڵنی بە ئەوەکۊشای گەلی جە بەین بریۍ. ئاماژەش پانەیچ کەرڎ بەبێ ڕابەر ئاپۆی پرسو کوردی نمەیاوۆ بە چارەسەری و دەسپنەکەردەی پرۆسەو چارەسەری پەنەوازش بە ئازادی ڕابەر ئاپۆی و لابەردەی گۆشەگیری هەن.

جە بەردەوامینە زومروتە واتش: "سیاسەتە قڕکارییەکۍ دژ بە گەلوو کوردی قبوڵ نمەکەرمۍ، پەنەوازا گرڎو گەلی جە دژو ئا سیاسەتا یۆگێرتەبۆ و دەنگما هۊربڕمۍ."

' دەورو ڕابەر ئاپۆیرە کوۍ بیمێوە'

دماتەر هامسەرۆکو کەجەدەکە-ئەورووپای ئەنگین سەڤەر قسێش کەردۍ و ئینەش وات: "نمەتاوا ڕووەکاما تاریک بکەرا. چێوە جارێوەتەر داوا جە گەلەکەیما مکەرمۍ جە دەورو ڕابەر ئاپۆیرە کوۍ بیمێوە. گرڎ یاگۍ بکەرمۍ بە یاگۍ ئەوەکۊشای پەی ئازادی بەڎەنی ڕابەر ئاپۊی."

گلېرۊبیەکەی بە ۋەنایۆو پەیامەکا بەردەوامیش هەن...