شاندو ئیمراڵی دەم پارتی دماو دیدارەکەو ئارۆیش جە ئیمرالی، داواکارییە تاریخییەکەو ڕابەر ئاپۆی وەڵا مکەرۆوە. ئەرەیاونا داواکارییەکەو ڕابەر ئابۆی سەعات ١٧:٠٠و وێرەگای جە هۆتێل ئەلیت وۆردی ئەستەنبوڵەنە وەڵا مکریۆوە. جە فرەو شارەکانە ئامادەکاری پەی پەخش کەردەو داواکارییەکەی کریان.

یۆ جا شارا ئامەدا، مێڏانو شێخ سەعید ئامەدەنە شاشێ گۆرێ LED نریانەرە پەی ئانەی داواکارییەکە بە شێوێ ڕاستەوخۆ وەڵا کریۆوە. چا چوارچێوەنە فرەو هامووڵاتیا ناوچەو جزیری شرناخ بەرەو ئامەد کەوتێ ڕا.

یۆ جە ئەڏایا ئاشتی خەدیجە دورموشە ماچۆنە: چەما ئینا سەرو پەیامەکەو ڕابەر ئاپۆی ملمێنە ئامەد. ئێمە گەرەکمانە ڕابەرایەتیما بە ئازادیی دلێمانە بۆنە. ئێمە فرە بێتاقەتێنمێ، هیوادارێنمێ مژدەی وەشما پنە دریۆنە، ئێمە چەمەڕاو ئاشتی مکەرمێنە."