خەڵکو کانتۆنی فراتی ئاماژەشا پانەیەدا متاومێنە بە بێ سەرچەمەکا ژیوای بەردەوامێ بیمێ بەڵام ژیوایێ نییا بە بەبێ وڵات و واتشا: "مشۆم دۆسیێوە ونەپەرسایۆ مییاننەتەوەی جە دژو تاوانەکا ئەردۆغانی و چەتەکاش کریۆوە."
گەلوو کانتۆنی فراتی کە بە گرڏو ئیرادەیشاوە جە درێژەدای بە ژیوایشا و گرڏ جۆرە وەرەنگاربییێ جە دژو هرووژمە دڕندانەکا دۆڵەتو تورکی مرداوە. دەربارەو هرووژمو ئی دماییەو دۆڵەتو توری پەی سەرو وێستگەو ئاوێ پەی ئاژانسما قسێشا کەردە.
ئەحمەد ئیسماعیل: ئامانجو دۆڵەتو تورکی دلێنە بەردەو گەلیا، بەڵام ئێمە دەسبەردارو خاک و وڵاتیما مەبیمێ. ئێگە خاکو گەشمەرڏان. ڕاسا هرووژمەکێ دووچارو سەختی ژیوایما مکەراوە بەڵام گرڏ کاتێ جە مڏرامانو ژیوایما بەردەوامێ بیمێ. سەرەڕاو ئانەی ئاو و کارەباشا چنە بڕیێنمێ بەڵام مڏرامانما بەردەوام بۆنە، گەلەکەما بە دەسو وێشا چێرخانو ئاوێ و پەنەوازییەکا بونیاد منیۆ.
ئاڵدار حەمی: دۆڵەتو تورکی حەقەو شکستەکا مڏرامانو کۆبانێ جە گەلەکەیما مکەرۆوە. وەڵتەر جە ڕاو داعشیۆ ئەنجامش دێ، ئیسە بە شێوازێ تەر مکەرۆش. گەل پارێزنەرو خاکی و ئاو وێشا و پەی ئانەی ڕووەشا کەردێنە بەنداو تشرینی. ژیوای بێ ئاو و کارەبا بۆنە بەڵام حەجگیز ژیوای بێ وڵات مەبۆنە.
هاجەر عوسمان: دۆڵەتو تورکی چێرخانو ژیوایشا مکەرۆ بە ئامانج. ماوێوە فرەن گەل بێ کارەبا و ئاو بییەن. گرڏ کەسێ مەتاوۆنە ئاوەی پاکە سانۆنە، نزیکەو ٢٠٠ هەزار خێزانێ بێ ئاوێ بیێنێ. دۆڵەتو تورکی ماچۆ جە دژو 'تیرۆر' ی جەنگ مکەرو، بەڵام گرڏ کەسێ مزانۆ بە هرووژمکەردەی سەرو چێرخانە مەدەنییەکا دۆڵەتو تورکی وێش تیرۆر مکەۆ.
عەنتەر ئەحمەد: ئەردۆغان ئیدارە دەرو تیرۆرستان. گرڏ تاوانێ جەنگی ئەنجام مڏرۆنە و هەڕەشێنە سەرو ژیواو گەلی. مشۆم ئەردۆغان جە دادگێوە مییاننەتەوەیینە دادگایی کریۆنە. گەلەکەما ڕوانە کۆمکوژ کریۆنە. دۆڵەتو تورکی بییەن بە تاڵانکەر و گرڏ چێوێ دزۆنە. مشۆم جە دژو ئی ئەرەگیریانە ئەوەکۆشایما وەرفراوان کەرمێنە و ڕا پەی ئەرەگیری نازمێ.
