بێوار ئەمینی هامواتەواچو کۆمیتەو پەیوەندییەکا جبەرو کەمپو پەنابەرا گەشمەرڎە ڕوستەم جودی (مەخموور)ی جە قسەکاشەنە چنی ئاژانسو هەواڵو فوراتی (ANF) ئەرەیاۋناش؛ جە ١٧و تەممووزو ٢٠١٩یۆ جە لایەنو پەدەکەیۆ گەمارۆ وزیان سەرو کەمپەکەی و جە ١٠و نیسانو ٢٠٢٥ یچۆ جە لایەنو حکومەتو عێراقیوە گەمارۆ دەسش پنەکەرڎەن و لا یەزال بەردەوامیش هەن.

ڕاگیرییەکێ بەردەوامێنێ'

بێوار ئەمین جەختش چانەی کەردۆ کە تەوقداکەی کاریگەری نەرێنیش سەر و بارودۆخو ژیواو ڕوانە و کەمپەکەی جیا ئاستەن و واتش: "جەلایەن و پەدەکەی و عێراقیۆ تەوقە سەر و کەمپەکەیمارە سەپیێنە، ناسنامەو خەڵکی تازە مەکریۆوە و ڕا مەرا پەنەوازی بیناسازی بلۆنە دلێ کەمپەکەیۆ. بە هەمان شێوە کێشە بوارو وانای و پەروەردەینە هەن؛ خونکارەکێما ڕاشا پنە مەدریۆ زانکۆکانە وانانە. هەرپاسە پەنەوازییەکا پەروەردەی، تەندروسی و شارنشینی جە کەمپەکەنە دابین مەکریۆ، ئاستەنگی جۆراوجۆرما پەی وەش بۆنە، کەسانێ تووش بیی بە نەوەشی درێژخایەنەکا ئینه کەمپەکەمانە، بەڵام ڕاگیریشا چنە کریۆ پەی هورگیرتە و چارەسەری ڕووە جە شارەکا بکەرا."

'ماوەو ٣٠ ساڵان پەنابەرێنمێ جە عێراقەنە'

بێوار ئەمین جە بەردەوامی قسەکاشەنە واتش: "بە ئارەزوو وێشا مافو خەڵکو دلێ کەمپەکەی پاشێل مکەرا، خەڵکو دلێ کەمپەکەی پەنابەرێ تازێ نییەنێ، ئێمە ٣٠ساڵێن دلێ ئی کەمپەینە مژیومێ، هەم نەتەوە یۆگیرتەکا و هەم حکومەتو عێراقی ئاگادارو گرڏ چێوێ ئێمەنێ. بەڵام ئیسە بە ئارەزوو وێشا کێشە و گرفتما پەی وەش مکەرا. پەرسە و ناسنامەی بەتایبەتی کێشێوە جددییا. چونکە هەر جۆرە هامووشۆڕۆتما ڕاگیریان."

'ئانە پەنچ ساڵێن خونکارێ مەخمووری مەتاوانە درێژە بە وانای بڎا'

بێوار ئەمین ئانەیشش ڕۆشن کەردۆ کە ماوەو ٥ساڵان خونکارێ زانکۆیما جە مافو وانای بێبەش کریێنێ و واتش: "زاڕۆڵێ ئێگەی بە هەوڵو ئەڏا و تاتەیشا پەی ماوەو١٢ساڵا چێگە وانا ، بەڵام ئیتر مەتاوانە زانکۆی وانا وەرو ئانەی ڕاگیریشا چنە گیریۆ. ئی دۆخە کاریگەری فرەش سەرڤو جوانا وەش کەردەن. جە ئیسەنە خونکارێ زانکۆی ناچارێنێ جە بوارو بیناسازینە هەرمانە بکەرا. هەرپاسە نەوەشەکێ و پاو یاسی پەنەوازا حکومەت چارەسەرشا بکەرۆ یان نەتەوە یۆگێرتەکی پشتگیریشا بکەرۆ بەڵام داخەم مەشۆم جگە جە وەشکەردە و بەربەسی هیچ چێوێشا پەی مەکریۆ، گرڏ و ئینێ بەشێوەنێ چا گەمارۆیا کە جە دژو ئێمە جابەجێ کریا."

بێوار ئەمین جە کۆتاینە داواش جە حکومەتو عێراقی کەرد دەسبەردارو ئا سیاسەتا بۆنە و واتش: "ئانە ماوەو ٣٠ساڵێن ئاوارەو عێراقی بیێنمێ، تا ئیسە حکومەتو عێراقی هیچ کێشێوەش چارەسەر نەکەردێنمێ، گەلوو عەرەبی گەلێوە مێمان دۆسا، بەڵام وینمێ بڕێ لایەنی دلێ حکومەتی مەڵامەتێنێ جە وەش کەردە و کێشەکاما. خەڵکو کەمپەکەی کەسانێوە وێڕاگرێنێ و تا ئیسە وەردەمو هیچ کەسێنە سەرشا نەنامنانەرە، ئەر بەربەسەکێ بەردەوامێ بانە، مافە دیموکراتیکەکاشا بەکار مارانە و بەرگری جە مافەکاشا مکەرا، پۆکەی داوا جە پەرپرسا عێراقی مکەرمێ دان بە مافە یاساییەکا پەنابەرا دلێ کەمپەکەی بنیا."