هێزی جوومعە، مەنتیقەو چەمچەماڵینە سەربە پارێزگاو سلێمانی پەی پیرۆزکەردەی ڕۊو ٤و نیسانی "جەژنەو ژیۋایۆ" کە کەرۊنە ڕۊو جە ئەڎابیەو ڕابەروو گەلوو کوردی عەبدوڵا ئۆجالانی، گەنجاو پانیشتوو کوردسانی زنجیرێوە چالاکیێشا کەردۍ کە چنەشەنە، نەمامۍ نریۍ، پێسە سیمبولوو جە ئەڎابیەی پیرۆزی، حەرپاسە جە چوار چێوەو چالاکیەکەینە تەماشەو بەڵگە فیلموو 'داستانوو پەکەکە'ی کریا.دماتەر سیمینارێوەشا جە بارەو گرنگی ئی ڕووەیۆ و هەڵمەتەو ئازاڎیی جەستەیی پۍ ڕابەروو گەلوو کوردی ڕابەر ئۆجالانی و چارەسەری سیاسی پۍ قەزیەو کوردی، پێشکەش کەرد.

یاگۍ باسیەنە کە میانوو چالاکییەکەینە، گەنجەکۍ ئەرەیاۋناشا کە پێسە گەنجاو پانیشتوو کوردسانی خاوەنداری جە ڕابەر ئۆجالانی مکەرا و ئەرکوو ۋێشا جابەجێ مکەرا و بەردەوامۍ با جە کۊشیای پۍ بەدیئاوردەو ئازاڎیی جەستەیی ڕابەر ئۆجالانی.