گەریلاو یەژاستاری "میلیتان زاگرۊس"ە، باسش چانەیە کەرد، کە حیچ شۊڕش و ڎەوڵەتێوە ئازاڎیی ژەنۍ و ئازاڎیی گلێرگەیش ئامێتەو یۊی نەکەرڎینۍ و واتش: "جیاوازیی سەرەکیی ڕابەریما ئانەن، کە ئازاڎیی ژەنۍ بە بنەما گێرۊ و ڕاو کۊشیایما نیشانە مڎۊ".
جە گەریلاکاو یەژاستاری "میلیتان زاگرۊس'ە بۊنەو ڕۊو پەیدابییەی ڕابەروو گەلوو کوردی عەبدوڵا ئۊجالان-یوە، قسێش پەی ئاژانسوو هەواڵوو فرات (ANF)ۍ کەرڎی.
میلیتان زاگرۊسە واتش، "چەنیپەیدابییەیڕابەریما و مەرزنایرەی جمیەروو پەکەکەی سەرڎەمێوە تازە کورڎساننە ڎەسش پەنە کەرد" و درێژەشدا پەنە و واتش: "گەلوو کوردی دیفاعش جە وێش کەرد جە بییەی نەتەوەیی وێش کەرد، پەی پارێزنای وێش و خاکەکەیش کۊشیا، کۊشای گەورەو ٤٥ ساڵەی ئینا ئارانە".
قوێوە فرە گەورە جە ڕابەریما ور گێرمێ
میلیتان زاگرۊسە باسش چانەیە کەرد، کە گۊشەگیریێوە فرە دژوار سەروو ڕابەروو گەلوو کوردیوە هەن، ئا گۊشەگیرییە جە وەراوەروو گەلوو کوردیوە کریان و واتش، "ڕابەرما ئیمراڵینە گیریان، بەڵام ویر و ئایدۊلۊژیاو ئادی بە جیهاننە وەڵا بیەنۊ. ئێمە هێزێوە گەورە جە ئایدۊلۊژیاو ڕابەریما ور گێرمۍ. ئێمە هەوڵۍ مڎەیمۍ کۊشیایما بیاونمۍ بەرزتەرین ئاست".
ئازاڎیی ژەنێش بە بنەما گێرت
گەریلاو یەژاستاری "میلیتان زاگرۊس"ە ئانەش ویر وستۊ، کە دنیانە فرە شۊڕشۍ ڕووەشا دێنە، فرە ڎەوڵەتۍ دروسۍ بیێنۍ، وەلێم حیچ کام چانیشا ئازاڎیی ژەنۍ و ئازاڎیی گلێرگەیشا ئامێتەو یۊی نەکەرڎەن و واتش، " ژەنی دایمە بنڎەسە بیێنە. گەورەتەرین جیاوازیی ڕابەریما ئانەن، کە ئازاڎیی ژەنێش بەبنەما گێرتەن و ڕاو کۊشیایش بە ئێمە نیشانە دێنە. دروشموو 'ژەنی، ژیوای، ئازاڎی' بییەن ە دروشمێوە جیهانی. ئێمە قەرار مڎەیمۍ کە ئازاڎیی جەسەیی ڕابەریما مسۊگەر کەرمی".
س.ز
