پیلانگێڵنیی میاننەتەوەیی دژوو ڕابەروو گەلوو کوردی عەبدوڵا ئۊجالانی پاش نیا ٢٦ـەمین ساڵیشۊ. پیلانگێڵنۍ گەرەکشا بۍ کەسێتیی ڕابەر ئاپۊینە جمیەروو ئازاڎیی دمایی پەنە بارا. وەلۍ جمیەروو ئازاڎیی فکر و فەلسەفەو ڕابەر ئاپۊیش بە بنەما گێرتەن و پەی ئازاڎیی جەستەیی ڕابەروو گەلوو کوردی عەبدوڵا ئۊجالانی کۊشیۊ.

'ئەرەمەنەیەکاو ڕابەر ئاپۊی پەی گردوو نەتەوەکانێ'

گەریلاو هەپەگەی یلماز خەرزان باسش کەرد، کە پیلانگێڵنیی ١٥ شوباتی ڕوۍ سیاو و بەئازارا پەی گەلوو کوردی و واتش: "تارێخوو کوردانە ١٥ شوباتی ڕوۍ سیاوا، چونکوم چا ڕوەنە پیلانگێڵنیێوە میاننەتەوەیی کریا. تارێخەنە ڕابەرێوە پێسەو ڕابەر ئاپۊی بەرنەکەوتەن، ڕابەر ئاپۊ گرد جەنگێوە فکری، زیهنی و بیرڎۊزیی کەرۊ. جیاهننە یوەم جارا فکرێوە چینە وزیۊ ڕووە، سەیەو ڕابەر ئاپۊیۊ. سەبەبی سەرەکیی پیلانگێڵنییچ تەرسیبۍ چی فکر و فەلسەفەیە. وەروو ئانەیە فکر و فەلسەفەو ڕابەر ئاپۊی ئازاڎیی گردوو نەتەوەکاش گێرتەبۍ وێش. پیلانگێڵنی دماییش نامان و جە ڕاو گۊشەگیریی قورسی و سزاو دسلپینەوە بەرڎەواما".

'بە ئەرەمەنەیەکاو ڕابەر ئاپۊی وەراوەروو دوژمناوە سەرێگنمێ'

گەریلاو هەپەگەی سەرڎەم ئامانۊس بەرش وست؛ پیلانگێڵنۍ گەرەکشابۍ کەسێتیی ڕابەر ئاپۊینە گەلوو کوردی سڕاوە و واتش: "وەروو ئانەیە ئەرەمەنەیەکاو ڕابەر ئاپۊی دمایی بە دەسەڵاتدارێتیی مارۊ و گلێرگەی ئازاڎ کەرۊ. گردوو جیهانینە پەی ڕابەر ئاپۊی، وەراوەروو سیستموو دەوڵەتوو تورکینە ئینۍ کۊشیاینە. پیالانگێڵنۍ گەرەکشانە گەلوو کوردی سڕاوە، وەلۍ پیسە گەریلای سەروو بنەماو ئەرەمەنەیەکاو ڕابەر ئاپۊی دژوو ئەرەگیرکاری خەبات کەرمۍ و حیچ وەختۍ هەنگامە پەی دمای مەنیەیمۍ و پەی ئازاڎیی کۊشیەیمۍ. ئەگەر ئارۊنە گەریلا ئینا کۊشیاینە و مدرامان کەرۊ ئینا سەیەو ڕابەر ئاپۊینە. ئی مدرامانە درێژەش بۊ و بێگومان سەریچ گنۊ و جە رووەو کەوتن جەستەیییوە ڕابەر ئاپۊی ئازاڎ کەرمۍ و ئازاڎیی گلێرگەیچ دەس وزمۍ.

وەعدما هەقسانایۊ گردوو هامڕا گەشمەرڎەکامانە و تا ئاخر دژوو ئەرەگیرکاری گژیەیمۍ و وەعدوو سەرکەوتەی مدەیمێ".

'ئەرەمەنەیەکاو ڕابەر ئاپۊی پیلانگێڵنیشا بەتاڵ کەرڎۊ'

گەریلاو یەژا ستاری روناهی ئارژینە پلانگێڵنییش شەرمەزار کەرد و واتش: "قینی و تووڕەیۍ فرەما هەن دژوو پیلانگێڵنی. گۊشەگیریێوە سەختشا سەروو ڕابەر ئاپۊیرە سەپنان. مشۊم چی ساڵێنە کۊشیای و جەنگێوە بێهامتا پەی ئازاڎیی ڕابەر ئاپۊی کەرمۍ. ئانە کە ڕابەر ئاپۊ داواش وەنە کەرڎینمۍ ئانەنە؛ جە مدرامانی بەرڎەوامۍ بیمۍ و ئازاڎیی بەدەس بارمۍ. جە کەسێتیی ڕابەر ئاپۊینە ئازاڎیی نامنشین بیەنۊ. ئینەیچ جە خەتەو کۊشیایمانە بەرڎەوامییش پەنە مدەیمۍ و ئازاڎیی جەستەیی ڕابەر ئاپۊی و گلێرگەی بەدەس مارمۍ. پێسە گەریلاکاو ئازاڎیی لکی دریێنمۍ ڕابەرێتییوە. دوژمن جە کەسێتیی ژەنۍ و گلێرگەی و هاموەڵاتانە ئێمەش کەرد بە کۊیلە، ئێمەیچ جە کەسێتیی ژەنێنە ئازاڎیی ڕابەر ئاپۊی مسۊگەر کەرمۍ. تووڕەیی و کینەو ئێمە ڕۊبەڕۊ زیاتەر بۊ، پی ڕێچە کۊشیایما قەوەتتەر کەرمێ".

'پیلانگێڵنۍ حەرگیز مەیاوا بە ئامانجەکاشا'

گەریلاو هەپەگە ئورهان حەسرەت باسوو پیلانگێڵنیی میاننەتەوەیش کەرد و واتش: "تا پیلانگێڵنیی دماییش نۍ سەرەمڕ کۊشیەیمۍ. پیلانگێڵنی شەرمەزار کەرمۍ و حیچ وەخت قبووڵش مەکەرمۍ. فکر و فەلسەفەو ڕابەر ئاپۊی ئازاڎا پەوکای جیهاننە قسێش سەرۊ کریا. پیلانگێڵنۍ حیچ ئەنجامێوەشا بەدەس نارڎەن و گەرەکشانە بە هجوومی ئەرەگیری و گۊشەگیری سەروو گەلیوە ئەنجامشا بۊ وەلۍ حیچ وەخت نمەیاوا پی ئامانجەیە. تا ئێمەی گەریلا شۊنکەوتۍ فکر و فەلسەفەی ڕابەر ئاپۊینمێ".

'ڕابەر ئاپۊ پەی گەلا خەبات کەرۊ'

درێژەو قسەکاشنە گەریلای عەرەبوو هەپەگەی ئورهان حەسرەت واتش: "من پێسە گەنجێوە عەرەبی پەی ئازاڎیی ڕابەر ئاپۊی بەشداروو دلۍ خەتەکاو گەریلای بیا. وەروو ئانەیە فکر و فەلسەفەو ڕابەر ئاپۊی پەی گردوو گەلە ئازاڎیوازان. ڕابەر ئاپۊ ئیمراڵییوە پەی ئازاڎیی گردوو گەلا کۊشیۊ، هێزوو جەنگکەرڎەی گەریلای، هێزوو باوڕداریی ئاپۊین".

ئاخروو قسەکاشنە گەریلا ئورهان حەسرەت واتش: "گەریلا کۊگەش گەرەک بۊ متاوۊ چالاکیی سەرکەوتانە کەرۊ. ئا هێز و باوڕوو گەریلایە، کە لە ڕابەر ئاپۊیۊ ورشگێرتەن، بنەماو سەرکەوتەی گەریلاین. دەوڵەتی ئەرەگیرکەروو تورکی پاسە ویرۍ کەرۊوە گەریلا نمەتاوۊ چالاکیی کەرۊ، با ئانەیە بزانۊ کە چەنی گەشمەرڎە روکەن و گەشمەرڎە زەلال دلۍ مێرسینینە وێشا فیدایی کەرد، پاسەیچ گەریلا متاوۊ گرد وەخت و شۊنێوەنە چالاکیی سەرکەوتانە کەرۊ. ئی جەنگ و مدرامانەو ئیساتۍ بەرڎەوامیی مدرامانوو ڕابەر ئاپۊین. نەک تەنیا کەشۊ بەڵکوم گردوو کوردستانینە سەرۍ گنمێ".