ڕابەر ئاپۆ جە ١٥و شوباتو ١٩٩٩ جە ئەنجامو پیلانگێڵیێ مییاننەتەوەینە بەدیل گیریا و ڕادەسو دۆڵەتو تورکی کریا. چا ڕوۆ تاوەکو ئیسە ئینا چێرو گۆشەگیریێ سەختینە. گەریلایا هەپەگەی خەبات مەد و دەلیل دەمهات سەبارەت بە پیلانگێڵی ١٥و پەی ئاژانسو هەواڵو فوراتی (ANF) قسێشا کەردێ.

خەبات مەد ئاماژەش پانەیە کەرد کە ١٥و شوباتی پەی گەلوو کوردی ڕوێ سیاوا و واتش: "گرڏ ساڵێ گەلە وڵاتپاڕێزەکەما، جەنگاوەرا ئی تەڤگەرەیە پێسەو فیدایا ڕابەر ئاپۆی جە وەراوەرو ئی پیلانگێڵییە قینەو و تورەییشا گۆرەتەر بۆنە. گەل قەرارو وێش دان؛ چنی ڕابەرایەتیما ژیوای مکەرمێ، کەس نمەتاو  ڕا چینەیە گێرۆنە. پیلانگێڵی ١٥و شوباتی کە جە وەراوەرو ڕابەر ئاپۆی ئەنجام دریا، پیلانگێڵنییەکە کە جە جەهانەنە نمونەش نییا. ئەرەگیر کەردەو ئابووری، سیاسی و سەروازی هەمیشە ڕووەشدێنە، بەڵام ئا ئەرەگیرییەیە کە جە کوردەسانەنە ڕووەشدێنە جە حیچ یاگێ جەهانینە  نموونەش نییا. پەی نموونەی جە تاریخو گەلینە کۆمكووژی ڕووەشدێنە، بەڵام ئی کۆمکووژیییە مرۆییا هەمیشە بە نامێ وێشاوە یاڏکریێنێوە. کۆمکووژی جە وەروەرو جووەکان هەمیشە بە نامێ وێشاوە یاڏکریێنیوە. جووەکێ ئانەی جە وەراوەرشا ئەنجام دیان حەجگیز جە یاڏشا نەکردەن، بەڵام جە کوردەسانەنە دۆخەکە جیاواز بێ؛ کورد حسابش پەی مەکریۆ. سیستەمێوە نکۆڵی جە کوردا گێرۆنە. وەرو ئینەی ئەوەکۆشای کوردا تەنیا ئەوەکۆشای جە وەراوەرو دۆڵەتی نییا، ئەوەکۆشایێن جە وەراوەرو گرڏو جەهانی مکریۆ.

چڼین پارتۍ شۆڕشگێڵنۍ هەنۍ. کاتێ بەشدارۍ ئا پارتا با و ڕێبازەکاشا هۊرگېرا و بانۍ بە ئەندامش، بەڵام پەکەکەی بیەی پەی کوردەسانێوە ئازادی ئەوەکۊشای ڕاوەبەردەین. هێڵێوە کە پەکەکە دیاریش کەرڎێنە جە ئاستێوە گۊرەنە سەرو فیداکاری ئەرەمەرزیان.

ڕێبازو بنەڕەتی پەکەکەی فیدایی بیەیا. هەرپۊکەی ئی ئەوەکۊشایە جە کوردەسانەنە ئڼە گۊرە بیەنۆ. ئی هێڵۍ، ‌هێڵۊو ڕابەر ئاپۆینە. ڕابەرایەتی جە ۋەرا ۋەرو گرڎو جەهانینە ئەوەکۊشایش دەسپنەکەرڎ. هەرپۊکەی ڕابەرایەتی پی ئەوەکۊشایە کە دەسش پنەکەرڎ گرڎو جەهانی ڕوبەڕووش مردێوە".

'بیردۆزو ڕابەرایەتی خاوەنو هێزو فاڕییای جەهانین'

خەبات مەد یاڏش وستیمێ کە چا سەردەمە کە ڕابەر ئاپۆ ئەوەکۆشایش جە کوردەسانەنە دەس پنەکەرد، گەلوو کوردیش ناچار بییەن ئاشقو بکوشەکاش بۆنە و واتش: "ڕابەر ئاپۆ وەڵێ گرڏ چێوێ جە کوردەسانەنە ڕۆشنکەردەیۆ گەلیش بەدی ئارد. ئارۆ کاتێ ئامایمێ سەرو ڕابەرایەتی تەنیا ڕابەرو گەلوو کوردی نییا، رابەرو گرڏو چێردەسەکان. حەر چنە دووژمن گەرەکش بێ ڕا چینەیە گێرۆنە، سەرنەکۆت. مشۆم خاس جە ئامانجو ١٥و شوباتی یاومێنە. هێزە سەرمایەدارەکێ، ڕابەر ئاپۆی پێسەو تەرسێ گۆرێ وینانە. یاوایدێنە کە ڕابەر ئاپۆ چی ئنە مەترسیین. چونکە ئی تەڤگەرە و بیردۆزەکە تەنیا پەی ئانەی کوردەسانی ئازاد بکەرۆ سنوردار نەبییەن، خاوەنو هێزو فاڕاو جەهانین. جە وەراوەرو مۆدێرنیتو سەرمایەداری بە دیلش پێشکەش کەرد.

جە ٢٦هەمین ساڵڕۆو پیلانگێڵینە قەولمرەیمێ کە جە کەساێەتی گەشمەرڏا 'شمە بپنمەتاودێ ڕۆما تاریک کەردێنە' دا خاوەنداری جە گرڏو گەشمەرڏا مکەرمێ. ڕابەرایەتی ئیرادەو گەلا نمایندە مکەرۆ. جە کەسێتی ڕابەر ئاپۆی گرڏما ئینایمێ ئیمراڵینە. کاتێ باسو ئازادی جەسەی ڕابەر ئاپۆی مکەرمێ، جە حەقیقەتەنە باسو ئازادی وێما مکەرمێ.

حەر پۆکەی واوەی قەولمرەیمێ کە چنی ڕابەرایەتیما بژیومێ، ونەو گەشمەرڏاما جە زەمینەنە جیا ناسمێنە. پی بۆنۆ جارێوەتەر ١٥و شوباتی بە نەفرەت مکەرمێ و پیلانگێڵی شەرمەزار مکەرمێ".

'پێ ئەوەکۆشای گەلوو کوردی یاوابۍ بە ئاستو دلېنەبەردەی'

گەریلاو هەپەگەی دەلیل دەمهات بە یاڏکەردەیۆ گەشمەرڏا شۆڕشی دەسش بە قسەکەردەی کەرد و واتش: "جە وەروەرو پیلانگێڵی ١٥و شوباتینە ئەوەکۆشایما فراوانتر و بە مڏرامانێوە گۆرە جوابو دووژمنی دەیمێوە. ڕابەر ئاپۆ بنیاد نەرو ئازادیمانە. چونکە گەلوو کوردی وەڵێ ئی ئەوەکۆشاینە گەش بییۆ و ئاستیش دلێنە بەر. گەرەکشا بێ کە نامێ کوردی جە تاریخەنە سەڕاوە. فەلسەفەو ڕابەر ئاپۆی پەی گەلوو کوردی، وەرکەوتوو مییامینی و مرۆڤایەتی بیی بە هیواو ئازادی. ئا هێزێ کە جە پیلانگێڵنییەکەنە یاگێشا گێرتە نەیاوێ بە ئامانجەکا وێشا. ڕانەر ئاپۆ بە تایبەت بە وەرگری نامەکاش گ٤ڏ حسابو پیلانگێڵنیش هورشاناوە.

کاتێ هێزە سەرمایەدارەکا ویناشا پارادایمو ڕابەرایەری جە دژو بەرژەوندییەکاشانە، پیلانگێڵی ١٥و شوباتیشا کەرد. حەر پۆکەی بە ساڵان سیاسەتو گۆشەگیری بەردەواما. ٫ەرەکشانە ڕا جە وەڵا کەردەیۆ فکرو ڕابەر ئاپۆی گێرانە، بەڵام ڕابەرایەتی هەمیشە ماۆ پەی چارەسەری موخاتەب گیرونە. ویندێ کە پەی بۆ چارەسەری ئامادە نییا. چونکە جە بەرژەوندی وێشا ویرکەراوە.

ئەرکو ئێمەن پەی ئازادی جەسەی ڕابەر ئاپۆی جە گرڏ مێڏانێنە ئەوەکۆشایما فراوانتەر کەرمێنە. ڕابەر ئاپۆ ڕا نیشان دەرمانە. حەر پۆکەی تا دما دڵۆپەو ونیما ئەوەکۆشای و جەنگ مکەرمێ".