گەریلاو یەرەکەی باگەر ئاگر سەبارەت بە هرووژمەکا سەرو کولتور، شناسنامە، زۋان و بیەی سەرو گەلوو کورڎی پەی ئاژانسیما قسێش کەردۍ و داواش جە جوانا کەرد جە گرڎ لێوە بەشداری دلۍ ڕیزەکاو گەریلای بکەرا.

**

ئەوەڵوو قسەکاشەنە گەریلا باگەر ئاگر گۆشەگیریی ئیمراڵییش شەرمەزار کەرد و واتش:" ماوەو یەرێ ساڵان  جەنگیوی دەروونی وەراوەروو ڕابەر ئاپۆینە مکریۆ، مافوو چەمپەنەکەوتەیش پاشێل مکریۆ،مدرامانیوە گەورە ئیمراڵینە مکریۆ و بییەن بە بنەماو مدرامانوو زیندانی و کەشەکا، ئی مدرامانێچە سەیەو فکر و ئەرەمەنەکاو رابەر ئاپۆیوە گەورەتەر بۆ."

'پەنەوازا گەلەکەما خاوەنداریی وەنەو کولتوور و زوانوو ویش بکەرۆ'

بەردەوامیی قسەکاشەنە گەریلا باگەر داواش وەنەو گەنجا کەردە،پەی خاوەنداریکەردەی جە مدرامانی و واتش:" پەنەوازا گەلەکەما وێگیر بۆنە و خاوەنداری جە شناسنامە و کولتوور و زوانوو وێش بکەرۆ و بەتایبەتی گەنجاو وەرکەوتوو کوردسانی وەراوەروو دوژمنی بمرداوە. گرد ڕوێ کوشتەی و ئەرەگیری سەروو گەلەکەیما بکریۆ، چی گەنجێما دژوو ئینەیە نمەمدراوە! چی ملا وەڵاتێ تەرێنە مژیوا،پەنەوازا بەیا کەشەکا وبەشدارێ دلێ ڕیزەکاو گەریلای با، پەی وەڵات و کولتوورو وێشا بگژیا. پەنەوازا گەنجاو گردوو نەتەوەکای تەریچ، چەنی گەریلای خەبات پەی ئازادیی بکەرا."

'پەنەوازا گەلوو پانیشتیما وەراروەروو خیانەتوو بارزانییەکاوە، بێدەنگێ نەبا'

ئاخرو قسەکاشەنە گەریلا باگەر ئاماژەش پانەیە دا،کە گەریلا سەروو بنەماو فکر و فەلسەفەو ڕابەروو گەلوو کوردی  عەبدوڵا ئۆجالانی کەشەکانە ئینێ مدرامانەنە و پێسە دماییش بە قسەکاش ئارد:"ئیساتێ مدرامانێوە گەورە هەرێمەکاو پارێزنای میدیاینە مکەریۆ. گردوو دنیێنە چەکی کیمیاوی قەدەغەن کەچی وەراوەروو گەریلاکاو ئازادیی کورستانیوە بەکار مێ. پەکای پەنەوازا گەلەکەما و بەتایبەت گەلوو پانیشتیما دژوو ئەرەگیرکارییەکاو دەوڵەتوو تورکی و خیانەتوو بارزانییەکا سەرە بەرز بکەراوە و هەڵوێستشا بۆ. هەزارا گەشمەردێما پەی ئی خاکەیە دێنێ، ئیساتێ ڕۆڵەکاو کوردی کەشەکانە ئینێ کۆشیاینە پەی وەڵاتێوە ئازادی. با گەلوو کوردسانیما خاس ئانەیە بزانا، پێسەو تەڤگەروو ئازادیی کوردسانی ئینایمێ پەشتەو گەکەکەیماوە سەرەمڕ. پەوکای پەنەوازا گەنجێما سەروو بنەماو فکروو ڕابەر ئاپۆیوە، وێشا ڕێک بوزا و پەشتیوانی جە سەرەوردای 'ژەنی، ژیوای، ئازاد'ی بکەرا، ئێرانەنە گەنجێ مدریانێ قەنارە، بە گرد ئامرازێوە جەنگشا وەراوەر مکریۆ، پەنەوازا بە وێڕێکوستەی دژوو ئینەیە بمدرا. پەنەوازا گەل هۆشیارییش بۆ وەراوەروو سیاسەتەکاو جەنگی تایبەتی، داواو ماف و ئازادیی وێشا بکەرا و بەرشدارێ دلێ ڕیزە ئاپۆییەکا بانە."