میانگەو یاونەری و چاپەمەنی هێزەکانو پارێزنای گەلی (هەپەگە) جە ئەرەیاونایێوەنە ئاشکراش کەردەن:جە دهۆک بە بۆردومانو باڵەپڕە جەنگییەکانو ڕژێمە ئەرەگێرەکەو تورکیای گەریلایێوی سنەیی بەنامێ بابەک عەبدی سەنەندەجی ئەشناسیا بە دارا بێریتان و ٣ گەریلایێ تەرێ هامڕێش شەهیدێ بیێنێ.

هەپەگە دەستنیشانش کەردەن: هەر چوار گەریلاکێ بێچەکێ بیێنێ و جە سەروەختو لوای پەی چارەسەری پزشکی جە دەگاو مانگێشی سەر بە شارو دهۆکی و بە چەمساخی و سیخوڕکەردەی کەسانێ خەڵکو هەرێمەکەی، جە بۆردومانەکەنە شەهیدێ بیێنێ.

هەپەگە شناسنامەو شەهیدە سنەیەکەیش بە ئی جۆرە ئاشکرا کەردەن کە چوار ساڵێن پەیوەست بە گەریلایەتی بییەن:

ئەشناسیا بە: دارا بێریتان
نامێ و دما نامێ: بابەک عەبدی سەنەندەجی
نامێ ئەڎێ/ فەریبا شوکرۆڵا
یاگۍ جەئەڎابییەی: سنە/ وەرکەوتو کوردستانی
یاگۍ و ڕێککەوتو شەهیدبییەی: دهۆک / ٢٠/٠٥/٢٠٢١ی