بەمەڵامەتو کێشەو پشێوی بەینو  کوردی و، نوێنەرو دادگای و 'عەرەبە هاورەدەکا' ناوچەکەینە، جە دەگا و تەپەسەوزو سەر بە قەزاو خورماتووی، هێزێوە سەروازی عێراقی هور کوۆنە سەر و یانەو هیتیارە کوردەکا و باڵبەسێشا مکەرۆ.

ئا هورکوای سەرەو هێزە سەروازییەکا بەمەڵامەتو سکاڵاو عەرەبە هاوردەکاوە کە سەر و ٢٥ هیتیارا کوردی تۆمارشا کەردەن، جە ئیسەنە دەگا کێ بە هێزی سەروازی دەورە دریێنە، ژمارێوە هیتیارې باڵبەسێ کریێنێ.

سەرچەمێوە جە دەگا کێ بە ئاژانسو هەواڵو فوراتیش ئەرەیاونا: حەر کەسێ وێنە یان ڤیدۆو هێزەکەی گێرۆنە، هامشێوە و هیتیارەکا باڵبەسکریۆنە.

ناکۆکی بەینو هیتیارە کوردەکا و عەرەبە هاوردەکا سەر و زەمین و زارە کشتووکاڵییەکا هیتیارا جە کاتێنە بیەن، جە ٢١ کانوونو دووەمو ئێساڵی ئەنجوومەنو نوێنەرا عێراقی بە فرەیی دەنگی قەرارش دا گرڏ و ئا زەمینا وەڵتەر بە قەرار و دادگاو شۆرشو عێراقی سەردەمو حکومەتو بەعسی دەسشا سەرەرە گیریان، گێڵاوە پەی خاوەنە ڕەسەنەکاشا کە پێکئاما و کوردینې و بەشێوە کەمیچش خاوەنداریشا گێڵۆوە پەی تورکمانەکا.