ئێران متاوۆ جە ڕاو هجوومی پەی سەروو ئامانجەکاو تورکیای و ئازەربایجانی و بارزانی-ۆ، هەم جوابوو هجوومەکەو ئیسرائیلی پەی سەروو کونسوڵخانەو ئێرانی بڎۆوە و هەمیچ وەڵۍ پا تەرسە گەورۍ گێرۆ کە قەوقازەنە هەڕەشێش ۋنە مکەرۆ.
*هۊرسەنگنای ڕێوار ئابدانانی ئەنداموو دەسەو ڕابەرایەتی کەجەکەی پەی ماڵپەروو 'تریبوونی زەمانە'ی جە بارەو گرژی و گریمانەکا جەنگوو بەینۇ ئێرانی و ئیسرائیلی.
چنی هجوموو ئیسرائیلی پەی سەروو کونسوڵخانەو ئێرانی جە دیمەشقەنە و کوشیای فەرماندە باڵاکاو سوپاو قودسی، ئیسە کێشمەکێشوو بەینوو ئێرانی و ئیسرائیلی بە قۆناغێوە ترسناکی یاوان. جەنگوو غەززەی بەشێوە گرنگ و چارەنوویسسازوو جەنگی جەهانیی یەرەمیا، ئیسرائیل ناچارا پەی پارێزناو هەیمەنەو باڵادەسی ۋێش مەنتیقەکەنە ڕووبەڕوو کارەکتەری سەرەکیی جەنگەکەی بۆوە، واتە ئێران، ئەگینا جەنگوو غەززەی و قۆناغەکۍ دماو ئانەی، پێشئامۍ ترسناکۍ پەی ئیسرائیلی مارا. جە لێوەتەرۆ ئێران پەی پارێزناو جوگرافیاو چېر دەسەڵاتوو ۋێش ناچار بۍ جەنگوو غەززەی هۊرگیسنۆ، دەسەڵاتوو ئێرانی و هامپەیمانە یەمەنییەکێش جە گەروو بابلمەندەبینە و تواناو جەنگی بریکارەکاو ئێرانیش جە عێراق و سووریا و لوبنانەنە بە قورسی مێڎانەکەش جە ئیسرائیلی و ناتۆی تەنگ کەردەن. هەر چی بەینەنە ئیسرائیڵ ۋێش چێروو تەوقۍ و تەرسێوە بێسنوورینە موینۆوە، ئاشکران جە ئاژێوە پی جۊرەنە ئیسرائیل ناچارا ئەمریکای و سەراپاو هێزە جهانیی و هەرێمییە هامپەیمانەکاش بارۆنە وەڵێوە، تا ئا تەرسۍ نازۆنە کە بیێنە بەهەڕەشۍ سەروو بیەیش.
ئەمریکا و ناتۆ لە وەرکەوتو ئەورووپاینە و ئۆکرانیانە بە تندی خەریکو ملەملێنێ چەنی ڕووسیای و ئینێ چێرو فشارنە، پەوکای ئیسرائیل ناچارا وەردەمو هامپەیمانە هەرێمی و دەسکەلاکاشنە قەوقازنە مانۆڕ بکەرۆ، یاردەیە لۆجستیکییەکا ڕژێمی فاشیستی تورکیای پەی ئیسرائیل و ئامادەکارییە سەروازییەکاو ئازەربایجانی پەی بڕیەی پەیوەندیی ئێرانی چەنی ئەرمەنستانی، دەورێوی گرنگ جە بەرنامەکاو ئیسرائیلینە پەی ئی جەنگی کەرا، لاێوی تەرۆ گردو نیشانەکا ئاماژە پانەیە مکەرا، کە بەرەو پانتورکیزمی کە ئەردۆگان و عەلیێف و موجاهیدینو خەڵقی و بارزانی و مەقاشەکێش و جیشی عەدل و داعش (بەتایبەت داعشی ئاسیاو دلێڕاسەی کە بە داعشو خۆراسانی مشناسیۆ) خەتەو وەڵێ ئیسرائیلینێ پەی دژایەتی چەنی ئێرانی.
هەرپاسە داعش کرمان و چی دمایچۆ مۆسکۆنە چالاکیی سەروازییش کەرد، دماییچنە هجوومو بەرەو وەرنیشتی دژ بە ئێرانی و ڕووسیای و چینی ڕاو بەکارئاردەی گرووپە توندڕەوە ئیسلامییەکاوە پەرە مسانۆ، وەرو ئینەیە خاستەرین ئختیار پەی ئێرانی پەی وەرپەرچو ئێرانی ورچنۆ، بەئامانجگێرتەی ئی هێزە مەقاشاو ئیسرائیلی، ئەگەر فرسەتی تەرشا پەی وربگنۆ، مسۆگەر ڕاو هەناسەو ئێرانیوە قەوقاسنە و ئاسیاو دلێڕاسەینە بڕا. ئامانجە سەروازیی و ستراتیژییەکێ خاکو تورکیای و ئازەربایجاننە و مەنتێقەکاو چێرو جڵەوو بارزانیینە، چا خاڵە سەرەکییانێ کە ئێران بەتایبەت متاوۆ بە ئامانجشا بگێرۆ.
ئێران متاوۆ ڕاو هجوومیوە پەی سەرو ئامانجەکاو تورکیای و ئازەربایجانی و بارزانی، هەم جوابو هجوومەکەو ئیسرائیلی پەی سەرو کونسوڵخانەو ئێرانی بدۆوە و هەم وەڵێ پا تەرسە گەورێ بگێرۆ کە قەوقازنە هەڕەشێش وەنە مکەرانێ. پێچەوانەو ئینیشاوە مشۆم چەمەڕا بۆ تا مەیدانەکەش ونە تەسک بکەراوە، لێوە تەریچۆ گەر ئێران جیای بەئامانجگێرتەی سەنگەرەکاش ئیسرائیلنە و قەوقاز و یاگەکاو چێرو دەسەڵاتو بارزانینە، ڕاستەوخۆ ڕووبەڕوو ئیسرائیلی بۆوە، ئینە مسۆگەر جەنگ پا منیۆ قۆناغێوی تەرسناک و وێرانکەرۆ.
