پەی گەشمەردا مانگەو ئایاری جە لەندەن و پایتەخت و بەریتانیای و ئەسینا و پایتەخت و یۆنانینە چالاکی یادکەردەیۆ ئەنجامدریا.

لەندەن

گەشمەردێ مانگەو ئایاری بە سەرمەشقایەتی و ئەرەمەزیاو بنەیانەو گەشمەردا جە لەندەنەنە یادێ کریێوە.

یادەکە بە ویرئاردەیۆ و گەشمەردا ئازادیی کوردسانی و درووشمەو "گەش مەردێ مەمرا" دەسش پەنە کەرد.

واتەواچە وتەڤگەرو ژەنا تێکۆشەری دەسپێکشا واناوە، ئاماژە پانەیە کریا، گەشمەردێ مانگەو ئایاری دژوو فاشیزمی و ئەرەگیرکەردەی و نایەکسانی و خیانەتی، ڕانیشاندەرێ ژیوای ئازادیی و شکۆمەندارینێ.

سەرو نامێ کەجەدەکە-ئە شڤان پانیشتوو سەرو نامێ ئەرەمەزیارەو بنەیانەو گەشمەردا عەلی پۆیراز قسێشا کەردێ. جە قسەکاشانە سەرنج وزیا سەرو گرنگی وەڵێوستەی شۆڕشگێڵنی دژوو فاشیزمی و ئەرەگیری، هەرپاسە گرنگی پەیوەستبییەی بە گەشمەرداوە ، واتشا: "وەعد واوەی کەرمێوە، تا ماڕای گۆشەگیری و بەدیئامای ئازادیی جەستەیی ڕابەر ئاپۆی، ئەرەکۆشای گەورە کەرمێ".

یادەکە بە گۆرانیێ و نیشانداو سینڤزیۆنی بەردەوام بێ.

ئەسینا

بە سەرمەشقایەتی پلاتفۆرمو یۆبیەی چالاکی یۆنانی چالاکیێوە پەی یادو گەشمەردا مانگەو ئایاری ئەنجامدریا. چالاکییەکە جە ناوەندو چاندو کوردسانی و بە بەشداریی شۆڕشگێڵنا کوردسانی و تورکیای ئەنجامدریا.