بە سەرمەشقایەتیی تەڤگەروو ژەنە ئازاداو ئێزدی (تاژێ) و بەشداریی ژەناو ئێزدی و عەرەباو شەنگالی و گردوو ئەرەمەرزیاکاو ئیدارەو وێڕاوەبەریی شەنگالی، بە ڕاپیماێوە جەماوەری کۆکوشیی پاریسی شەرمەزار کریا. ڕاپیمایەکەنە کە پۆستەروو ساکینە جانسیزۍ و فیدان دۆگانۍ و لەیلا شایلەمەزۍ و سێڤۍ دەمیرۍ و پاکیزە نایەرۍ و فاتمە ئویارۍ بەرز کریاوە.

قسەکەروو تاژێ، ڕیهام هیچۆ یاڎوو گردوو گەشمەرداش بەرز ئرمانا و واتش: "ئی کۆکوشییە بە هامکاریی دەوڵەتوو تورکی و فەڕەنسای وەش بی. پاڵوو هێزە ئەمنییەکاوە ٣ ژەنۍ شۆڕشگێڵنۍ کوردی لاو دەوڵەتوو تورکیوە تیرۆرۍ کریێ. دەوڵەتوو تورکی و هامکاراش شەرمەزارۍ کەرمێ. ئی ژەنە شۆڕشگێڵنۍ پەی گەلی کۆشیۍ و گیانشا فیدا کەرد. چی سەدەنە  قڕکەرڎەی ئادیشا بێئەخلاقیێوە گەورەن".

دماتەر ئاماژەش بە کۆکوشیی ئێزدییەکا کەرد، واتش: "هجووموو سەروو ئێمە و عەلەوییەکا بەرهەموو هەمان زیهنیەتین. ئانۍ ساکینەشا تیرۆرە کەرڎە و هجوومشا کەرد سەر ئێمە یۆنمێ. گردوو ژەناو شەنگالی بە خاوەندارێتی جە میراتوو گەشمەرڎە سارۍ و ڕۆژبینۍ و ڕوناهیۍ وێشا ڕێک وست".

دماتەر ئەوەخوایش کەرڎۆ، وەراوەروو هجوومەکاوە پاشەکشۍ مەکەرا و ڕاو ساکینەی و ئەڤینۍ و ڕۆژبینۍ و ڕوناهێی گێرانە وەر.

ڕاپیمایەکە بەواتەیۆ درووشـما دماییش ئاما.