بە پاو سەرچەمەکا عەفرینی ئەرەگیرکریانە، هیزی گژیاێوە سەخت ڕووەش دێنە بەینوو چەتەکاو "ئەحرار ئەلشام"ی و "سوڵتان سلێمان شا"و تورکمانی ئشناسیا بە "عیمشات"ی، نزیکوو چوارڕاو کاوەی تا چوارڕاو قەبانی دلێڕاسەو شاروو عەفرینی ئەرەگیرکریاینە.

بە پاو سەرچەمەکا، بۊنەو گژیاکەیۊ کوشیۍ و بریندارۍ هەردووی لایا و خەڵکی مەدەنی هەنۍ و فاڕیێنێوە پەی خەسەخانەو عەفرینی، دلۍ حاڵەتێوە پەڕ جە پشێوی و ئاڵۊزیی ئەمنینە.

دماو چند سەعاتێوە جە گژیای تنڎی، چەتەکاو "هەیئەو تەحریر ئەلشام (بەرەو نوسڕەی وەڵینی)، لوێنۍ یاگە گردینەکا و گەڕەکەکاو دلێنەو شارەکەیشا کۊنتڕۊڵۍ کەردێنۍ.

یاگۍ واتەینە، حاڵەتێوە پشێوی و ئاڵۊزیی ئەمنی و گژیای بەینوو چەتەکاو سەر بە ئەرەگیرە تورکا کانتۊنوو عەفرینی ئەرەگیرکریاینە بەرڎەواما، هامشان چەنی بەرڎەوامیی تاوانەکاو کوشتەی و ئڕفانای و دزی و تاڵانی.

س.ز