هامسەرۆکاو شارەوانیی مەنتێقەو نسێبینو مێردینی گوڵبین شاهین داگهانە و سەڵاحەدین ئای سەر بە دەم پارتی، بە بەردەیۆ ڕێژەو ٧٥،٨٪ دەنگەکا سەرکەوتێ، بە ئامادەبییەی پەرلەمانتارو دەم پارتی کاموران تانهان و هامسەرۆکە وەڵیناو نسێبینی سەمیرە نێرگز و فەرهاد کوت، کە قەیوم یاگێشانە نریابێرە، چەنی ڕاوەبەراو شار و مەنتێقەکاو دەم پارتیینە، وەردەمو بیناو دادگاینە قسێوە کوڵەشا کەردە. گوڵبین شاهینە داواش وەنەو خەڵکی کەردە، کە سەعات ١١ وەردەمو بیناو دەم پارتیی مەنتێقەو نسێبینینە کوێ باوە و بەرەو شارەوانیی ڕا پیما.  

گوڵبین شاهینە واتش ورگێرتەی مەرسوومەکەیشا دما کەوتەن، مەرسوومەکەش کەرد بە دیاری پەی خەڵکی، واتش: "سەبای سەعات ١١:٠٠ بەیدێ وەردەمو بیناو دەم پارتیی نسێبینینە، پێەوە کوێ بیمێوە بەرەو شارەوانیی ملمێ. بەیدێ شارەوانییەکەیم جە قەیومی بسانمێوە و پێوە خاوەندارییش وەنە بکەرمێ، سپاسو گەلو نسێبینی مکەرمێ".