هرووژمەکێ دۆڵەتو تورکی ئەرەگیری جە ٨و کانوونو یوەمیوە دژو بەنداو تشرینی و سردەو قەرەقۆزاقی بەردەوامێنۍ. جە دژو هرووژمەکا گەلوو کوردی، عەرەب، ئەرمەن و سریانی جە هەرێمەکەنە جە ٨و کانوونو دووەمینە جە بەنداو تشرینینە ئێشکگیریشا دەسپنەکەرد، بەڵام ئی جارە دۆڵەتو تورکی هرووژمش کەرد سەرو ئێشکگیرا و جە ئەنجامەنە چن مەدەنیێ گەشمەرڏێ بیێ. گەلوو کوردی پەی ئاشکراکەردەو تاوانەکا جەنگی دۆڵەتو تورکی جە شارەکانە چالاکی و بەرنامێ جیاوازێ ئەنجام مڏۆنە. هاموڵاتیێ ئامەدی سەبارەت بە هرووژمەکا دۆڵەتو تورکی پەی سەرو وەرنیشتی پەی ئاژانسو هەواڵو فوراتی قسێشا کەردۍ.

'تەمامو جەهانی قەرزارو وەرنیشتین'

هاموڵاتی عەبدوڵا ئەرکان، سڵامش جە مڏرامانو گەلی جە وەرنیشتەنە کەرد و واتش: "گەلەکەما جە وەرنیشتەنە ئەرکەکەو وێش جابەجێ مکەرۆ و مڏرامان مکەرۆ. جە ئەنجامو هرووژمەکێ دۆڵەتو تورکی مەدەنیێ و ڕۆنامەوانێ گەشمەرڏێ بانە. ئی هرووژما شەرمەزار مکەرمێ. پەنەوازا خاوەندارێتی جە گەلەکەیما جە وەرنیشتەنە کریۆنە. تەمامو جەهانی قەرزارو وەرنیشتین. وەرو ئانەی پەنەوازا جەهان خاوەندارێتی جە وەرنیشتی بکەرۆ".

'ئی ‌هرووژمێ قەبوڵێ مەکریا'

هاموڵاتی فەرەح ئیشک ئاماژەش بە ‌هرووژمەکا سەرو وەرنیشتی کەرد و واتش: "گەرەکمانە هرووژمەکێ سەرو وەرنیشتی دمایشا پنە بێ. پەی ئا داواکارییە ئینایمێ چێ و وەرنیشتی پارێزنمێ. هرووژمەکێ سەرو وەرنیشتی قەبوڵ مەکەرمێ. ئینە خاکو ئاڏشا نییا، خاکو گەلوو وەرنیشتین. ئی ‌هرووژما شەرمەزار مکەرمێ. ئیتر جەنگما گەرەک نییا، پەنەما ماچا واڵەو-برا بەڵام هرووژم مکەرا. ئینەیە قەبوڵ مەکەرمێ".

'پەی ئاشتیی ئینایمێ مېڎانەکانە'

هاموڵاتیێ حەنەفی کایا واتش: "پەی ئاشتیی ئینایمێ مەیانەکەنە. وەڵێ گرڏ چێوێ ئاشتییما گەرەکا. سلام جە گەلوو مڏرامانی جە وەرنیشتی مکەرمێ،. وەرنیشت یاگێ ئەوەکۆشاینە پەیما. پێسەو گرڏو گەلا مافەکێما گەرەکێنێ و ئەوەکۆشایش پەی مکەرمێ".

'خاوەنو ئی خاکەیە گەلوو وەرنیشتین'

هاموڵاتی حوسێن بارش ئاماژەش پانەیە کەرد کە بە هیچ جۆرێ هرووژمەکێ سەرو وەرنیشتی قەبوڵ مەکەرمێ و واتش: "جە وەرنیشتەنە ‌هرووژم  کریۆنە سەرو مەدەنی. نمەتاوتێ بە بۆمبواران کەردەی گەلوو کوردی دلێنە بەردێ. جە ویەردەنە سەدام و ئەسەد ئانەشا کەرد بەڵام سەرێ نەکەوتێ. ئی خاکە خاکو شمە نییا. خاوەنو ئی خاکەیە گەلوو وەرنیشتین. گەرەکمانە کۆتاییدمای بی کۆمکووژییا بارمێنە".