کوردەسانیا و دۆساشا جە هانۆڤەر پەی ماوەو یەک ڕوێوە ڕاپیمایشا پەی ئازادی ڕابەر ئاپۆی ئەنجامدا.

جەماوەرو ڕاپیماکەی سەعات ١٠:٠٠جە Lehine Center Laatzen کوۍ بیێوە، جە مېڎانەکەنە پەی ڕێژۋنەنیای گەشمەرڎا دەیەقێوە مردۍ. دماتەر قسۍ سەرو پڕۆسەو چارەسەرییەکەو ڕابەر ئاپۆی و ئامانجو چالاکییەکەیشا کریا.

چالاکا دماو قسەکا، بە ئاڵاو وێنۍ ڕابەر ئاپۆیۆ ڕاپیمایشا دەسپنەکەرڎ.

جە بەردەوامی ڕاپیماکەینە وەڵاکریاوۍ و زانیاری بەخشیێوە و گۊرانیۍ و سروودۍ وچیێوە. چنی بەردەوامی ڕاپیماکەی بە واتەیۆ درووشمەکا "بژیۋۆ سەرۆک ئاپۆ"، "ژەنی ژیۋای ئازادی"، "بژیۋۆ مڎرامانوو گەریلای" و "بژیۋۆ مڎرامانوو ۋەرنیشتی" جۆش دۍ بە ڕاپیماکەی.

دماو ئانەی ڕاپیماکەی یاوا بە یاگۍ مەقسەدو وێش، دۆسییەک ڕادەسو پەڕلەمانو ساکسۆنیای کریا، دماتەر ڕاپیماکەی فاڕیا پەی گلېرۊبیەی و بە ئەنجامدای چالاکی دمایی بە گلېرۊبیەکەی ئاما.