هامسەرۆکی گردینوو پارتوو یەکسانی و دیموکراسیی گەلا (دەم پارتی) تولای حاتەم ئۆغۆللاری چوارچوەو خەباتوو ورچنیەینە لوا ئێلح و چەنی خەڵکی کوە بیۆ.

تولای حاتەم ئۆغۆللارییە ئەوەخوایش کەردۆ دژوو زیهنیەتوو تاڵانکەر و دزوو ئاکەپەی ملا ورچنیەیۆ، واتش یانە بە یانە گێڵا و سەرێ گنا.

حەر چا سەردایەنە تولای حاتەم ئۆغۆللارییە واتش گەرەکشانە بە سیاسەتوو فشاری و ستەمی ئی گەلا تەرسنا، بەڵام بدیەیدی مەیدانەکا ئێمە ئیرادەو ئادیشا ماڕمێ، دمایی واتش: " پێویسا گۆشەگیریی ئیمراڵی ورگێریۆ. پێویسا دەمودەس ئی گۆشەگیرییە ورگێریۆ. سڵام جە چالاکە مانگێرتا جە واردەی کەروو. زیندانییێ سیاسیێ شکۆو ئێمەنێ، شمە زیهنیەتوو کودەتاچی قەیومی خاس مشناسدێ، ئی زیهنیەتە ددان بە کوردارە مەنیۆ و پێسە هاموەڵاتێوە یەکسانی پەی کوردا مەدیۆ، قەیوم دزا".

دمایی جەماوەرەکە ورپڕێ و درووشمەکاو "بێ سەرۆکی ژیوای مەبۆ" و "بژیوۆ سەرۆک ئاپۆ"ی و "ژەنی، ژیوای، ئازادی"ی و "بژیوۆ مدرامانوو زیندانەکا" و "قەیوم ملۆ، خەڵک مێ" بەرزێ کریێوە.