کۆمیتەو ڕاوەبەری جمیەری شۆڕشگێڵنیی یۆگێرتەو گەلا (هەبەدەهە) بەیاننامێوی نویسیاش وەڵا کەردۆ و ماچۆ: "فاشیزمو ئاکەپە-مەهەپەی، بەمەبەسش ڕاگێریکەردەینە جە کاریگەریی شکسەکاو  ورچنیەی و قەیرانی ئابووری، هجوومی ئەرەگیرکاریی وێش پەی سەروخاکو کوردستانی هەس کەردەنوە.  چا چوارچوەنە، ئەوەڵۆ ئۆپەراسیۆنو مەتینایش دەس پەنە کەردەن، ئانە نیشاندەرو ئانەیەنە کە حکومەتی فاشیست بەدڵنیاییەوە پەشتگیرییش جە هێزە میاندەوڵەتییەکا ورگێرتەن."

' مدرامانو گەریلای چی پڕۆسەنە گرنگیێوی تارێخییش مبۆنێ'

بەیاننامەکەنە ئاماژە پینیشا کریان:  

"هجوومکەردەی پەی سەرو کەناڵە چاپەمەنی و تەلەفزیۆنییە کوردییەکا ئەورووپانە و هەمان وەختنە ئۆپەراسیۆنو مەتینای و سەردایەکەو ئەردۆغانی پەی عێراقی بەروزێ ئانەینێ چی پرۆسەنە هامپەیمانیێوی گڵیاو پەی دلێنەبەردەی کۆشیای ئازادیی گەلو کوردی وەش بییەن.

جا ئی هامپەیمانییە ناتۆ پاڵپەشتشا و دەمودەس حکومەتو ئاکەپە – مەهەپەی میاونۆش یاگێ، بەتایبەتی پەدەکە چێنە دەورێوی تایبەتی مرمانۆ و پەی دلێنەبەردەی کۆشیای ئازادیوازانەو کوردی ئاسانکاریی گرد چێوێ پێشکەشو ئەردۆغانی مکەرۆ. هامکاری و پەیوەندییەکاو پەدەکەی بە ماناو شەرعیەتداین بە ئەرەگیرکاری.

ئامانجشا جە هجوومە ئەرەگیرکارییەکاو حکوومەتو ئەردۆغانی، ئەرەگیرکەردەی تەمامەتی خاکو پانیشتوو کوردستانین. هەوڵێ مدۆ بە تاوانو جەنگی و بەکارئاردەی چەکی کیمیایی و کۆکوشیی مەدەنی هەرێمەکەنە پاکتاوکاری بکەرۆ. چی ڕووەوە تەنیا بە پاڵپەشتیی پەدەکەی متاوۆ سیاسەتە ئەرەگیرکارییەکاش هەرێمەکەنە بکەرۆ.

گەریلاکاو ئازادی کە کەشەکانە بە هەڵوێستی قەوەت و قەراردارییشا وەرگێریی ئەم جەنگە گڵیاوەو فاشیزمو دەوڵەتو تورکی مبانێوە  و پەی ئازادیی گەلا مکۆشیا. ئێمە پێسەو هەبەدەهەی گەرەکمانە سەرنجە پەی گرنگیی تارێخییانەو مدرامانو گەریلای بکێشمێ، کە سەرەڕاو گرد نۆعە باڵادەسیێوی تەکنیکیی دوژمنی، بە ئیرادەوە بەردەواما جە کۆشیای.

'جەنگەکە میاوۆنە شارەکا'

فاشیزم کە متەرسۆ و ڕا بە گولانەترین جووڵەی شارەکانە نمەدۆنێ، مشۆم بزانۆ جەنگ مفاڕیۆوە پەی سەرجەمو شارەکا. جەنگاوەراو جمیەری شۆڕشگێڵنیی یۆگێرتەو گەلا، دڵنیایی ئانەیە مدۆ کە جەنگەکە تەنیا کەشەکانە سنووردار نمەبۆ و بە چالاکییەکاشا ناوەندەکاو سەرمایەداریینە با بە کابوسێ فاشیزمی.

هەرپاسە هەبەدەهە داوا مکەرۆ، تا فاشیزمی مدرنا و ماڕانێش، پەنەوازا  گردلایێ ڕیزەکاو شۆڕشی یۆگێرتەو گەلانە وێشا ڕێک بوزانێ و جادەکا بکەرانە مێدانو مدرامانی. تاکە زوانێو کە دەسەڵاتداریی فاشیست چنەش میاوۆنە، زوانو چالاکیی شۆڕشگێڵنانەین. سەرو ئی بنەمێوە مشۆم خاوەنداریی ونەو مدرامانو گەریلاکاما بکەرمێ.

ئێمە پێسەو هەبەدەهەی داواما ئانێنە، کە جمیەری شۆڕشگێڵنی یۆگێرتەو گەلا گردو مەیدانەکانە دژو فاشیزمی مدرامان زیاد بکەرا و چالاکیی شۆڕشگێڵنانە گرد بوارێوەنە ڕێک بوزانێ. پەنەوازا گرد لاێو بە وەرپەرسییوە چی پرۆسە تارێخییە بدیا و بە دەسوەڵیوزیی وێشاوە پەی ڕێکوستەی چالاکیی شۆڕشگێڵنانەی یاگەکاو وێشانە ئامادەکاری بکەرا."