کۆمیتەو ڕاوەبەریی جمیەری شۆڕشگێڵنیی یۆگێرتەو گەلا (هەبەدەهە) بە بۆنەو ساڵڕۆو مدرامانو کزڵدەرەیۆ بەیاننامێوی نویسیاش وەڵا کەردۆ.

بەیاننامەکەو هەبەدەهەی ئینەنە: "شۆڕش تەنیا بە یاگەداری گەورە گەشە مکەرۆ."، شۆڕشگێڵن تەنیا وەختێو  گرد چێوێش پەی دۆزەکەیش بەختە کەرڎەبۆ، ئا وەخت لاو گلێرگەی زەحمەتکێشیوە ڕێزش وەنە منریۆ، کەسێو کە قسێ و سروشتش پێسەو یۆی نیا، تیۆری و کرڎارییش پێسەو یۆی نییا، نامەکێش و یاگێش دڵ و مەژگی زەحمەتکێش و گەلانە نییا. ڕابەراو جیابییەیۆ چەکداری ساڵەو ١٩٧١، دەنیز گزمیش، ماهیر چایان و ئیبراهیم کایپاکایا و هامڕێکێشا جیاوازییەکاو وێشا پاسە دەس پەنە مکەرا. حەرچیێوە واچێنێ، سروشت و کرڎاریچنە کەرێنێش. تیۆریینە چەنینێ بێنێ، پراکتیکیچنە پاسە."

'ڕاشا پەی جمیەرە شۆڕشگێڵنییەکا کەردۆ'

ئەرەیاونیاو کۆمیتەو ڕاوەبەریینە پاسە باس کریان:

"قارەماناو جیابییەیۆ چەکداریی شۆڕشگێڵنا ساڵەو ١٩٧١ینە بەوردی پا تایبەتمەندییا بیێ بە سەرمەشقەکاو شۆڕشی. ئادێ ڕەگ و ڕیشەشا جە هۆشیاریی گەلی زەحمەتکێشوو ئێمەنە نیان. ئا شۆڕشە یۆگێرتەشا متەرە کە دماو وێشاوە  پەرەش سانا".

وەختێو دەنیز و هامڕێکیش دەسبەسەرێ کریێ و دریێ قەنارە، سینان و هامڕێکێش نورهاقنە گیانشا جەدەس دا. ماهیر و هامڕێکێش دەگاو کزڵدەرەینە کۆشایاێوی بێوێنەشا کەرد و لوێ کارەوانو نەمراوە.

٢٧و ئادارو ١٩٧٢ یەکینێوی گەریلای، کە ماهیر و جیهان و هامڕێش بێنێ لوێ دلێ بنکەو ڕادارو ناتۆی مەنتێقەو ئونیەو سوپێنە و ٣ تەکنیکارێ بەریتانیێشا بە بارمتە گێرتێ. ئامانجشا ئانە بێ، کە هامڕایەکاشا دەنیز و یوسف و حوسێنی ئازاد بکەرا. گەریلێکێ زوو چەنی ئی تەکنیکارا کەوتێ ڕا و یاوێ دەگاو کزڵدەرەی مەنتێقەو نیکسارینە تۆکاتنە.

هەرکە حکوومەت هاگادار بییۆ بە جەندرمە و میت و هێزە چەکدارەکاش کزڵدەرەشا گەمارۆ دا و دەس بە وشکنای یانەکا کریا، ئاشکرێ بیێ. جەنگێوی تند دەسش پەنە کەرد و یاگەکێشا تەنگە و بێپەنینە. فاشیستەکێ چوار لێوە بە بۆمب و تفەنگ و چەکی گران هجووم کەرانێ سەرشا. ئەنجامنە، جیهان ئالپتەکین، ماهیر چایان، عومەر ئاینا، ئەرتان ساروخان، ئەحمەد ئاتاسۆی، سافەت ئاڵپ، هودای ئارکان، سینان کازم ئۆز دۆگرو، سەباحەدین کورت و نیهات یڵماز کۆکوشێ مکریا.  

دەسوستەی دلێ کزڵدەرەی بابەتێوی سیاسیین، کە تیشکی مدۆ بە جمیەرە شۆڕشگێڵنییەکا تورکیانە و کوردستاننە. کزڵدەرە جەوهەرو جمیەری شۆڕشگێڵنیی یۆگێرتەو گەلان.

ئانە جوابو داواو 'تەسلیمێ بیدێ'ی مدۆوە و مواچۆ ئێمە پەی تەسلیمبییەی نامێنمێ ئێگە و پەی مەرڎەی ئامێنمێ، ماهیرە چایان. سیماو دەسەڵاتی فاشیزمو ئیساتێن و قەت تەسلیمێش نمەبیمێ. کۆشیای چەکداری پێویسیێوەن. تەنیا یەک ڕا هەنە کە شۆڕشا، حەر ئاستێونە و یاگێونە بۆ، وەراوەرو دوژمنی حیچ ڕاێوی تەرە نییەنە جیا جە شوڕشی و سەرکەوتەی.

٥٢ ساڵێ سەرو کزڵدەرەیرە ویەرڎەن. کزڵدەرە تەنیا ڕۆو یاڎکەرڎەیۆ نییا. بنەڕەتنە ڕێبازو شۆڕشی یۆگێرتەو تورکیای و کوردستانین. ڕێبازو جەنگی و کۆشیاین و وەرمو ئازادیی ملوێنا ئینسانە زەحمەتکێشا، کرێکارا، چەوسیاوا مارۆ دی.  

'ئێمە فاشیزمی ماڕمێ!

جمیەری شۆڕشگێڵنیی یۆگێرتەو گەلا خەتەی شۆڕشگێڵنانێ و یاواینەی هامدەنگی جە ڕۆحو مدرامانو  کزڵدەرەیۆ ورگێرۆ. ئاویرو شۆڕشی کە بە ونی و فیداکاری دەسش پەنە کەرڎەن تا سەرکەوتەی بەرڎەوام بۆ. بە سەرمەشقایەتی دەنیزا، ماهیرا، ئیبراهیما و مەزڵوما و شۆنکەوتاشا بە تەڤگەری شۆڕشگێڵنانەشا فاشیزمی وڕنمێ و سەرێگنمێ."

بە یاڎکەرڎەیۆ ٥٢ ساڵەو کزڵدەرەی، هامڕا نەمرەکاما بەڕێزدارییوە یاڎێ کەرمێوە و وەعد مدەیمێ سەروو خەتێشاوە بەرڎەوامێ بیمێ جە کۆشیای.