دەسەو ڕاۋەبەری ناۋەنڎو پارتو دیموکراتیکی گەلان (هەدەپە)ی ھجومەکەو دۊڵەتو ترکیش پۍ سەرو تەیارەخانەو سلێمانی شەرمەسار کەرڎ و داواش جە نەتەوە یۊگېرتەکا و بەغڎای و هۊلێری کەرڎ، هەڵۋێسێۋی ڕۊشن گېرانە ۋەر.
هەدەپە سەرو ھجومەکەو سەرو تەیارەخانەو سلێمانی ئەرەیاۋنێۋەش ۋەڵاکەرڎۊو؛ جە ئەرەیاۋناکەنە ئامان" ھجومە سیستماتیکی و بەرنامە مجیێرێکۍ پۍ سەرو خاکو هەرێمو کورڎسانی و مەنتیقە مەدەنییەکا، ئاژێۋە مەتەرسیڎارشا پۍ تەمامو مەنتیقەکەی ۋەشکەرڎەن. ھجومەکەو سەرو تەیارەخانەو میان نەتەوەیی سلێمانی جە ۷و نیسانو ۲۰۲۳ بە فڕۊکەی بێفڕۊکەوان جە ۋەختێنە بۍ، کە جە ۳ۍ نیسانو ۲۰۲۳ەوە جە لایەنو دۊڵەتو تورکیایۊ عاسمانو تورکیای ڕووەو تەیارەخانەو سلېمانی-رە وزیارە، پا ھجومەیچە ئاستو مەتەرسیەکاش زیاتەر کەرڎەن.
جە ئەرەیاۋناکەو هەدەپەینە ئامان: "حەرچنڎە ئا ھجومە پۍ سەرو ئا تەیارەخانەیە، کە ساڵانە جە لایەنو ملۋێنان هامۋڵاتیی مەدەنیێوە بەکار مێنە و حیچ قوربانیێۋە گیانییش نەبیەن و ئانەیچ ڕای گرڎیش کەمېۋە ئاسوڎە کەرڎەن، بەڵام گرنگا گرڎو ڕای گرڎی بە تایبەتی خەڵکوسلێمانی هێزەکۍ پەشتەو ئا ھجومەیە ئاشکرا بکەرا.
جە ئەنجامو ھجومۍ هامشێوەینە ۋەڵتەر ژمارێۋە فرە جە هاموڵاتیا مەدەنی کوشیۍ و ئەنجامۍ ۋنەکۊڵیاکا ئاشکرا نەکریۍ، ئانەیچ ڕا ۋەشکەرا پۍ ۋەردەوامیدای پی جۊرە ھجوما. ئاشکران هێزەکۍ پەشتەو ھجومەکەو سەرو تەیارەخانەو میان دۊڵەتیی سلێمانی گەرەکشانە بە وستەیرەو هەرێمو کورڎسان و عێراقی جە بازنێۋە تنو تیژینە، ئیسفاڎە جە ژیوگەو ملەملانۍ بەینو لایەنەکا ھورگېرا. ۋەرو ئانەی داوا جە نەتەوە یۊگێرتەکا، حکومەتو ناوەنڎیی عێراقی و حکومەتو هەرێمو کورڎسانی مکەرمۍ، کە هەڵۋێسێۋە ڕۊشن ۋەران ۋەر پا ھجوما گېرانە ۋەر، کە ڕاسەوخۊ خەڵکی مەدەنی کەرانۍ ئامانج و پرۊسەو ئاشکراکەرڎەو بکەرا ئا جۊرە ھەرمانا بە جۊرێۋە ڕۊشن و ئاشکرا بەرانۍ ڕاۋە. ئەگەر پا جۊرە نەبۊ، ئی ھجومە هەم تەمامو عێراقی و هەم هەرێمو کورڎسانی بە شێۋێۋی بەرنامە پەی مجیایرە و سیستماتیک فاڕیۊ پەی ناۋەنڎو ملەملانۍ و قەیرانی. پی بۊنەیچۊ سەرەۋەشیی ۋێما جە خەڵکو سلێمانی مکەرمۍ و گەرەکمانە بزانا، کە ۋەران ۋەر پا ھجومە تاریکەینە ئینایمۍ چنیشا".
ھ . ش
