هجوومو گرووپێوە فاشیستی شارو هیوسن-زۆلدەرو بەلژیکاینە پەی سەرو ئا خێزانە کورداو کە ئاهەنگو نەورۆزین گێڵێنیوە، شارو ئاخنو ئەڵمانیاینە شەرمەزار کریا.

زیاتەر جە ١٥٠ کوردسانییا ناوەندو شارەکەینە کوێ بیێوە، عەلەمەو یەپەگە و یەپەژە و پانکارتو ڕسواکەردەی هجوومە نەژادپەرسییەکەی بەرزێ کریێوە.

چالاکییەکەنە وەڵاکریایۆێوی دەربارەو هجوومەکەی و هەڵوێستو کوردا لاو نوێنەرو پارتو یۆبییەی دیموکراتیک (پەیەدە)ی عەبدولرەحمان دێرکیوە ونیاوە. دلێشنە سیاسەتو دەوڵەتی سەرو بناغەو نەژادپەرسی و فاشیزمی و قڕکەرەی کورداو تورکیای، ئاشکرا و ڕسوا کریا.

چالاکییەکەنە درووشمو "گردما پێوە دژو فاشیزم"ی و "تیرۆریس ئەردۆگان" بەرزێ کریێوە.