کەجەدەکە-ئە و تەژەکە-ئە دژوو ئۆپراسیۆنەکا سەروو ستێرک تیڤی و مەدیا خەبەر تیڤی ئەرەیاۋنێوەشا وەڵاکەردۆ و پەی بەشداری جە چالاکییەکانە بانگەوازشا ئەرەیاۋنا.

جە ئەرەیاۋناکەینە ئامان، "سەرسەعبوو ٢٣ۍ نیسانی دژوو ئەرەیاۋنای کوردی جە بەلجیکانە ئۆپراسیۆن ئەنجامدریا و فەرەنسایچەنە هۊرکوییا سەروو ناوەنڎوو جەمەو دیموکراتیکی کوردی درانسینە و یانەو ئەندامەکاشا،  ئانەیچ هجوومېوە رێکوزیا بۍ دژوو گەلوو کوردی".

جە ئەرەیاۋناکەینە ئامان، جە وەختێنە کە جە جوگرافیاو کوردسانینە هجوومی ئەرەگیری ئەنجام مڎریا، فەرەنسا و بەلجیکا بە مەڵامەتوو مەسڵەحەتە چەپەڵەکاشاوە هجوومشا کەرد سەروو ستۆدیۆکاو ستێرک تیڤی و مەدیا خەبەر تیڤی و بە شێوێوە ئاشکرا یاساشا پاشێلەکەردە.

جە ئەرەیاۋناکەینە هۊرکوای سەروو کەناڵەکا ستێرک تیڤی و مەدیا خەبەر تیڤی شەرمەزارۍ کریۍ و داوا جە دەوڵەتوو بەلجیکای کریا دەس جە کردەوەکا تۆقنای و چەمتەرسنای بارۆ.

بەنامۍ کەجەدەکە-ئەی و تەژەکە-ئەی داوا جە گەلوو کوردی کریا کە فەرەنسا و بەلجیکانە بەشداری جە گلېرۆبیەی ناوەندی بکەرا.

سەبارەت بە چالاکییەکایچ ئی زانیارییە ئەرەیاۋییا: "٢٧و نیسانوو ٢٠٢٤ سەعات ١٣:٠٠ جە Palaîs de Jûstîce li Place Poelaert 1, 1000 Bruxelles".