هجووموو فڕۆکە بێفڕۆکەوانەکاو دەوڵەتوو تورکی پەی سەروو وەرنیشتی بەردەواما
دەوڵەتی ئەرەگیرکەروو تورکی هەرێموو کۆچەراتوو دێرکی و بەنزینخانە و بانکوو کشتوکاڵیی تربەسپییش بۆردومانێ کەردێ.
دەوڵەتی ئەرەگیرکەروو تورکی بە فڕۆکەی بێفڕۆکەوان هەرێموو کۆچەراتوو دێرکیش بۆردومانێ کەردێ.
هەرپاسە دەوڵەتوو تورکی وێسگەو پیترۆڵوو بەینوو دەگاو گردەهۆڵی و گردەشێرانیش پانیشتوو وەرنیشتوو تربەسپی و بانکوو کشتوکاڵییش پانیشتوو مەنتێقەکەینە بۆردومانێ کەردێ.
ناوەندوو ئەرەیاونای و چاپەمەنیی هێزەکاو سوریای دیموکراتیک (قەسەدە)ی، ئەرەیاونایەکەو دەوڵەتی ئەرەگیرکەروو تورکیش وستۆ دروێوە، کە هجوومەکاو هیزینە ٩ جەنگوانێش گەشمەردێ کەردێنێ. جە ئەرەیاونایەکەو قەسەدەینە ئامان: " جە ئەرەیاونایەکەو وەزارەتوو وەرگێریی دەوڵەتی ئەرەگیرکەروو تورکینە بانگەشەو ئانەیە کریۆ جە هجوومێوە هیزینە پەی سەروو هێزەکاما، ٩ جەنگوانێ گەشمەردێ بیێنێ. ئی بانگەشە دوورا جە ڕاسییوە".
