وەزیرو چبەرو فەرەنسای ژان نۆئێل بارۆت ئەرەیاوناش، فەرەنسا کوردا وەرنیشتی جیا نمازۆنە و سەبارەت بە کوردا واتش: "هامپەیمانێ سەرەکیمانێ." نوئێل بارۆت پەشڕاسش کەردۆ کە کوردێ بەشدارو کۆنفرانسو١٣و شوباتو پاریسی بانە.
ئەندامو شاندو فەرەنسای کە چی دما دمایا سەردانو هەرێمو وێڕاوەبەری سەرنیشتوو و وەرکەوتوو سوریایش کەردەبێ، پەرلەمانتارو بەرەو گەلوو تازەو فەرەنسای دانیێل سیمۆنت، پەرلەمانو نیشتمانیی فەرەنساینە قسێش کەردێ و سەرنجش وست سەرو هرووژمەکا دۆڵەتو تورکی پەی سەرو وەرنیشتی.
پەرلەمانتار سیمۆنت ئەوەکۆشای کورداش دژو داعشی یاڏوستیمێ و پرسیارەش جە ژان نۆئێل بارۆت وەزیرو چبەرو فەرەنسا کەرد کە ئایا فەرەنسا پەی مدرناو هرووژمەکا سەرو وەرنیشتی فشار وزۆ سەرو دۆڵەتو تورکیای یان نا؟ هەرپاسە پرسیارو ئانەیشش کەرد؛ ئایا پەشتگیری جە داواکارییەکا کوردی مکەرا جە سوریایی تازەنە؟
'ئێمە کوردا جیانمازمێ'
وەزیرو چبەرو فەرەنسای ژان نۆئێل بارۆت، جوابو پرسیارەکا پەرلەمانتارو دانیێل سیمۆنتی داوە و واتش: "کوردێ هامپەیمانو سەرەکی فەرەنساینێ و ئاماژەش بە ئوەکۆشای کوردا جە دژو داعشی کەرد و ئەرەیاوناش، "کوردێ هامپەیمانو سەرەکی ئێمەنێ، ئاڏێ هەڤاڵێ ئێمەنێ و جیاشا نمازمێ."
'ئێمە بەینو تورکیای و جەنەراڵ مەزڵومینە نێوەندگیریما کەرد'
هەر جە سەرەتاوە داواما جە دەسەڵاتدارا تورکیای و دەسەڵاتو ڕاگوزەری جە دیمەشق کەرد، پەی ئانەی زەرەر نەرا کوردا جەنگ جە کۆبانێنە مدرنا. گەرەکما ئانەتا یاڏ وزووە کە جە جەنگو داعشینە، ئانە کوردێ بێنێ کە ئازایانە پارێزنای چا زینانانە کەرێنێ کە بەدەیان هەزار تیرۆریسێ داعشێ و بنەیانەکێشا چاگەنە دەس بەسەر گیریێبێنێ.
کۆنفرانسو ١٣و شوباتی
پۆکەی وەڵێ ئانەی سەردانو دیمەشقی بکەرو چنی جەنەڕاڵ مەزڵومی گلێربیانیۆ و ما بەینو جەنەڕاڵ مەزلومی و تورکیاینە و حکومەتی کاتی جە دیمەشقەنە نێوەندگیریما کەرد. هەرپاسە مابەینو کوردا سوریای و کوردا عێراقی پەی ئانەی تاوانە یەکتری بەهێز بکەراو نێوەندگیریما کەرد. هەرپاسە جە حەفتەی ئایندەنە، جە ١٣و شوباتی، کۆنفرانسێوە جە پاریس سەرو پرۆسەی تازەی فاڕایۆ ملۆڕاوە و تاونە پەشڕاسش کەرووە کە کوردێش ئامادەو کۆنفرانسەکەی بانە."
