جە سەرنیشتوو ۋەرکۆتوو سوریای بە مەرامو ئشناسای یاساو خێزانی هەڵمەتێوە دەسشپنەکریان. مەرامو هەڵمەتەکۍ دماییئارڎەین بە تنووتیژی ۋەرا ۋەر بە ژەنا و هوشیارکەردەیۆ پیایا.
هەڵمەتەو 'ئێمە هیوا و ئاشتیین'مۍ کە جە ١و تەمموزیوە جە لایەنو ڕێکوزیاو تێکۆشینی جە دژوو تنوتیژی ۋەرا ۋەر بە ژەنا سارای کە جە سەرنیشتوو ۋەرکۆتوو سوریای دەسش پنەکریان بەردەواما. مەرامو هەڵمەتەکۍ ئشناسای یاساو خێزانیا. کە ۋێش جە مەیسەرکەردەی مافە مەدەنییەکانە موینۆوە و جە دژوو فرە-هامسەرگیری و هامسەرگیری کناچە گولانا. هەرپاسە بیەو ئا یاسایۍ شۆڕە مبۆوە پەی پەرسو پارېزنای ژەنا و زاوڵا.
یاساو خێزانی جە ٦ مادۍ ٤١ خاڵی؛ هامسەرگیری، جیابیەیۆ، کاریگەرییەکاو جیابیەیۆ، مامەڵەکەردەی چنی قەومو کەسی، تاوانەی خێزانی پێکمۍ.
ئەندامۆو ڕێکوستەی ئەرەکۆشای جە دژوو تنوتیژی جە ۋەرا ۋەرو ژەنا سارای، دەلال عوسمانە دەربارەو ئامانج و وەڵێکۊتەی هەڵمەتەکێوە پەی ئاژانسیما قسێش کەردۍ.
دەلال عوسمانە زانیاریش سەرو هەڵمەتەکۍ بەربڕی و پی جۆرە قسەکێش کەردێش: "بە مەڵامەتوو زیاڎبیەی تنوتیژی سەرو ژەنا هەڵمەتەکێما دەسپنەکەردە. بە مەڵامەتوو ئانەی عەقڵیەتو پیاسالاری هەڵای دژوو ژەنا جمۆوە و مافەکاو ژەنا پاشێل مکەرۆ. پۊکەی دەسپنەکەردەو هەنگامێوە چیمنێما بە پەنەواز زانا. جە هەڵمەتەکێنە گرنگی مڎەیمۍ بە هوشیارکەردەیۆ پیایا، چنی پیایا گفتوگۆ جە بارەو بناغەو بنەیانێوە دیموکراتیکی مکەرمۍ. گەرەکمانە تنوتیژییەکا سەرو ژەنا کەمۍ بکەرمێوە، پەی ئینەیچە ژەنی پەنەوازشا بە هوشیاری و زانیاری یاساییا. ئاگاڎارە بۆ چانەی کە یاساو پارېزناو ژەنا هەن."
'مەرامما پەرەپنەداین بە مۆدێلو بنەیانەی دیموکراتیکی'
جە بەردەوامی قسەکاشانە دەلال عوسمانە ئاماژەش پانەیە کەرد کە هەڵمەتەکۍ جە چوارچێوەو پەرەپنەدای یاساو بنەیانەیینە دەسشپنەکەردەن و جە دەگا، شارۆچکڵە، ناوچە و شارەکانە سەردای یانا مکەرمۍ و واتش: "ئا سەردایۍ ۋێشا جە سەردای یانا، سازدای سیمیناری و گلێرۆبیەینە موینۆوە. سەرو یاساکۍ زانیاری وەڵا مکەرمێوە. مەرامو هەڵمەتەکۍ بریتییا جە پارێزنای مافەکا ژەنۍ جە چوارچێوەو یاساو خێزانی و پەرەپنەداین بە مۆدێلو بنەیانەی دیموکراتیکی. پۊکەی جە هەڵمەتەکێمانە چڼین کەسۍ ئاشناو خاڵەکا یاساو خێزانی بیۍ."
