گەریلاکاو ئازاڎیی کورڎستانی گورزی قورس وەنەو سوپاو تورکی ئەرەگیری شانا، چالاکییەکانە ١٤ سەروازۍ تورکی ئەرەگیرۍ بە سزۍ یاونیێنێ، ٤ سەنگەرێ، ٣ کامێرۍ و ڕادارێوە تێکۍ دریێنێ. گورز وەنەو پەنج سەنگەرا و ٢ کۊنتینەرا دریان.
ناوەندوو ئەرەیاونای و چاپەمەنیی هەپەگەی بارەو چالاکیی گەریلاکا و هجوومە ئەرەگیرییەکاوە ئەرەیاوناێوەشا وەڵا کەرڎۊ ئینەنە:
"هەرێموو مەتیناینە؛
٩ کانوونوو دووەمی سەعات ١٢:٤٥ و ١٥:٢٠ لە مەیدانوو مدرامانوو کەشوو ئۊرتێنە بە چەکی قورس وەنەو ئەرەگیرا دریا.
١١ کانوونوو دووەمی سەعات ١٠:٠٠ و ١٣:٤٠ مەیدانوو مدرامانوو کەشوو ئۊرتۍ بە چەکی قورس وەنەو ٢ سەنگەروو ئەرەگیرا دریا.
لە هەرێموو گەشمەرڎە دەلیلوو وەرنیشتوو زاپی؛
١٠ کانوونوو دووەمی سەعات ٠٨:٠٠ مەیدانوو مدرامانوو کەشوو جودیینە بە چەکی قورس وەنەو سەنگەرێوە ئەرەگیرا دریا.
١٠ کانوونوو دووەمی سەعات بەینوو ١٠:٥٠ و ١٢:٣٠ مەیدانوو مدرامانوو کەشوو جودیینە بە چەکی قورس وەنەو ئەرەگیرا دریا، کە هەوڵۍ دێنۍ گنا سەنگەرۊ. ئەنجامنە جموجووڵوو ئەرەگیرا مردنیا و چالاکییەکە هێزەکاو یەژاستاریما کەرد.
١٠ کانوونوو دووەمی سەعات ١٨:٠٠ مەیدانوو مدرامانوو کەشوو جودیینە بە نیشانەماڕۍ وەنەو ئەرەگیرا دریا، ئەرەگیرێوە سزا دریا.
١١ کانوونوو دووەمی سەعات ١٥:٠٠ مەیدانوو مدرامانوو کەشوو جودی وەراوەروو ئەرەگیراوە بە تاکتیکوو هەماهەنگی گەریلایی چالاکیی لوایسەری یەرۍ قۊڵێوە کریا. قۊڵی یوەم چالاکییەکە بە چەکی نیوئۊتۊماتیک و نیشانەماڕۍ وەنە ئەرەگیراشا دا. قۊڵی دووەم و یەرەموو چالاکییەکەی بە چەکی سووک و ڕومانۍ نزیکۊ وەنەو سەنگەرەکا و دووۍ کۊنتینەراو ئەرەگیراشا دا. هێزەکێما بە تاکتیکەکاو لوایسەر و نیشانەماڕۍ بە سەرکەوتانە تێکەڵشا کەرد و یاوناشا یاگێ، بە ڕۊحی گیانوازی ئاپۊییوە لوۍ سەروو ئەرەگیرا و ١١ ئەرەگیرێشا بەسزا یاونێ، ٤ سەنگەرێ، ٣ سیستمۍ کامێراو چەمداریی حەراری و سیستمێوە ڕاداریشا بە تەمامی دلێنە بەرڎۍ و گورزشا وەنەو دووۍ کۊنتینەرا شانا.
سوپاو دەوڵەتوو تورکی کۊلۊنیالیستی، ئەنجاموو ئا چالاکییە سەرکەوتانەینە کە لاو گەریلاکاو ئازاڎیی گەلەکەیماوە گورزی گەورەش وەرکەوت. سوپاو دەوڵەتوو تورکی ئەرەگیری کە ڕاسییەکا وەنەو ڕای گردینی شارۊوە، واتەنش، کە چا چالاکییەنە تەنیا یەک سەروازش کوشیان، وەلۍ نامۍ ١٠ ئەرەگیرەکەی تەریش ئاشکرا نەکەرڎێنێ.
هەرێموو خواکورکینە؛
١٠ کانوونوو دووەمی سەعات ١٦:٣٠ لە کەشوو گەشمەرڎە حەقیینە بە چەکی قورس وەنەو ئەرەگیرا دریا.
١١ کانوونوو دووەمی سەعات ١٦:٠٠ کەشوو گەشمەرڎە کمورانی ئەوەڵ بە چەکی قورس وەنەو ئەرەگیرا دریا، دماتەر سەعات ١٦:١٥ بە چالاکیی هەماهەنگی گەریلای گورز وەنەو ئەرەگیرا دریا. قۊڵوو یوەموو چالاکییەکەی نزیکۊ وەنەو دووۍ سەنگەراو ئەرەگیراشا دا. قۊڵی دووەموو چالاکییەکەی بە نیشانەماڕۍ وەنەو ئەرەگیراشا دا. ئەنجاموو ئا چالاکییەینە دا کە هێزەکاو یەژاستاری کەرد،٢ ئەرەگیرۍ سزا دریێ، گورز وەنەو دووۍ سەنگەرایچ دریا.
هجوومەکاو سوپای تورکی ئەرەگیری بە تەقەمەنیی قەدەغەکریا؛
٨ کانوونوو دووەمی مەیدانوو مدرامانوو سیداینە هەرێموو زاپینە سەنگەرەکاو جەنگیما جارۍ بە تەقەمەنیی قەدەغەکریا بۊردومانۍ کریێ.
هجوومەکاو سوپاو دەوڵەتوو تورکی ئەرەگیری؛
٩، ١٠ و ١١ کانوونوو دووەمینە هەرێموو مەتیناینە مەیدانەکاو دەرگەلێ، بێشیلی، سەروو مەتینای ٦ جارێ، مەیدانوو گەشمەرڎە دەلیلوو وەرنیشتوو زاپی مەیدانەکاو کەشوو بەهاری و جودی چوار جارێ، هەرێموو خواکورکی مەیدانوو دەرەو لۊلانی ٦ جارێ، بە گردیوە ١٦ جارۍ بە فڕۊکەی جەنگی بۊردومانۍ کریێ.
هەرێمەکاو زاپی، گەشمەرڎە دەلیلوو وەرنیشتوو زاپی، مەتینای و خواکورکی تۊپوارانۍ کریێ.
سوپاو تورکی ئەرەگیری بەینوو ٧و ١٠ کانوونوو دووەمی زاپنە هجوومش کەرد سەروو سەنگەرەکاو مدرامانی جە مەیدانوو مدرامانوو سیداینە و هەوڵێش دۍ بە حەفارە تونێلەکا وڕنۊ ".
