ناۋەنڎو یاۋنەری و چاپەمەنی هەپەگەی ئەرەیاۋناش، " ٢٨ و ٢٩و ئازارو ٢٠٢٣ ێنە سوپاو ئەرەگیرو ترکی ئۊپەراسیۊنێۋەشا دژ بە هێزەکاما جە مەنتیقەو ئالانتوسی جە جیلۊنە دەسپنەکەرڎ. ۋەختېنە کە هێزەکێما بەپاو قەرارو جمیەرەکەیما جە ئاژەو ۋەرگیرینە بێنۍ، سوپاو ئەرەگیرو ترکی جە دژوو هێزەکاما ئا ئۊپەراسیۊنەشە ئەنجامدا. چا ئۊپەراسیۊنەنە ھامڕێما "ڕاپەڕینە، ڕیڤانە و بۊتان" تا دماین هەناسەشا بە شێۋێۋە فیداییانە جەنگشا کەرڎ و گەشمەرڎۍ بیۍ.  

ئەرەیاۋناکەنە ئانەیچ ئامان کە، "چا پېۋەرەداینە کەسێۋە جە لایەنو دوژمنیۊ گیریان. ھامڕێکېما "ڕاپەڕینە و ڕیڤانە و بۊتان" بە گرڎو هێزو ۋێشاۋە نوێنەرایەتیی و شۊڕشگێڵی و جەنگاوەریۍ ئاپۊیی فیداییانەشا کەرڎ و میراسو خەباتی نەمری ئێمەشا پارێزنا. ئی ھامڕا قارەمانێما، چی ۋەختە تاریخیەنە گەلەکەماشا جە گرڎ ۋەختۍ زیاتەر جە ئازاڎیی نزیکتەر کەرڎۊ و ئەرەکۊشای ئێمەشا یاۋنا لوتکە، پەنەوازی جەنگاوەری ئاپۆییشا بە شێۋێۋە سەرکەوتوانە بە یاگۍ یاۋنا، جارێۋە تەر خەتەو کۊشیایۍ ڕاسیشا پنە نیشانەدایمۍ.

ئێمە سەرەۋەشی جە گرڎو گەلوو ۋڵاڎپارێزو کورڎسانی مکەرمۍ، بەتایبەتی جە خانەۋاڎەو  بەنرخو هەڤاڵاما "ڕاپەڕینە و ڕیڤانە و بۊتان"ی و ۋەعد مڎەیمۍ، سەرو خەتەو مدرامانی و خەباتو گەشمەرڎە قارەمانەکاما مدرامان بە سەرکەوتەی بیاۋنمۍ".

ئشناسنامەو هەڤاڵە گەشمەرڎەکاما پی جۊرەنە:

ئشناسیا بە/ "ڕاپەڕین بۊتان"ە

نامۍ و دمانامۍ/ دیجلە عومەر

یاگۍ جە ئەڎابیەی/ دێرک

نامۍ ئەڎۍ و نامۍ تاتەی/ شوھرەتە - حوسێن

ۋەختو یاگۍ گەشمەرڎەبیەی/ ٢٩ و ئازارو ٢٠٢٣/ جیلۊ

 

ئشناسیا بە/ "ڕیڤان سوروج"ە

نامۍ و دمانامۍ/ "پەیام دەمیر"ە

یاگۍ جە ئەڎابیەی/ ڕحا

نامۍ ئەڎۍ و نامۍ تاتەی/ فەریدە - محەمەڎ

ۋەختو یاگۍ گەشمەرڎەبیەی/ ٢٩ و ئازارو ٢٠٢٣/ جیلۊ

 

ئشناسیا بە/ بۊتان ھێرش

نامۍ و دمانامۍ/ محەمەڎ تەکین

یاگۍ جە ئەڎابیەی/ ئامەڎ

نامۍ ئەڎۍ و نامۍ تاتەی/ ئەدیبە - محەمەڎ

ۋەختو یاگۍ گەشمەرڎەبیەی/ ٢٩ و ئازارو ٢٠٢٣/ جیلۊ

ھ.ش