هەپەگە: دەمهات ئامەد و ئارگەش باگۊکییش یاڎۍ کەرڎێوە، کە چند ڕۊی ویەرڎەنە باگۊکنە گەشمەرڎۍ بیۍ و واتش: " گرد وەختۍ وێشا بە زانابییەی و شۊڕشگێڵنییوە ژیوێ. بیۍ بە ڕاویارۍ ڕاو هامڕایاما ڕۊژهاتی و ئەرڎاڵی، کە مۊرەو وێشا دا وەنەو ساڵەو ٢٠٢٣".
ناوەندوو ئەرەیاونای و چاپەمەنیی هەپەگەی بارەو دەمهات ئامەد (ئیسلام ئۊلچای)ی و ئارگەش باگۊک (ئۊزگور ئای)یۊ، کە باگۊکنە گەشمەرڎۍ بیۍ، ئی زانیاریێشە ئەرەیاونێ:
"٢٩ کانوونوو یوەموو ٢٠٢٣ هەرێموو باگۊکوو ئەیلاتی مێردینینە جەنگنە دژوو سوپاو تورکی ئەرەگیری ٣ هامڕێما گەشمەرڎۍ بیێ. ڕۊشن بییۊ کە چا جەنگانە هامڕێما دەمهات ئامەد و ئارگەش باگۊک گەشمەرڎۍ بیێنێ. وەختۍ زانیارییەکۍ بارەو هامڕاکەی تەریماوە، کە گەشمەرڎە بییەن ڕۊشن بیۊ پەی گەلەکەیما و ڕای گردینیش ئاشکرا کەرا.
گەورەتەرین وەرم و ئامانجوو هامڕایاما دەمهات و ئارگەش ئانە بۍ، کە سەرنیشتوو کوردستانینە دژوو دوژمنی گژیا. هامڕێما یاوۍ ئامانجەکەیشا و وەرپەرسیارێتێیوە تارێخیشا گێرت گەرڎەن. هەردووە هامڕێما هاگادارۍ دژوارییەکاو ئا کۊشیایە بێنۍ، وەلۍ سەرباروو هەلومەرج و دژوارییەکایچ بەجۊشوخرۊشی گەورەوە بەشدار ۍ بیێ. هامڕێما زانێنۍ، کە تەنیا بە ژیوای و هەڵوێستێوە فیڎایی سەرکەوتەی یەکلایی بۊوە. گرد وەختێوەشا بە زانابییەی شۊڕشگێڵنی ژیوایشا بەرد سەر. پەی بەدیئارڎەی ئازادیی جەسەیی ڕابەر ئاپۊی و ژیواێوە شکۊمەندانەی، بۍ دووەدڵی و بێوچان کۊشیێ. هامڕێما بە هەڵوێستوو وێشا بیۍ ڕاویارۍ ڕاو ڕۊژهاتی و ئەرڎاڵی مۊرەو ویشا دا وەنەو ساڵەو ٢٠٢٣.
سەرەوەشیی وەنەو گەلی وەڵاتپارێزنوو کوردستانی، بەتایبەتی بنەیانەی بەنرخوو هامڕایاما دەمهاتی و ئارگەشی کەرمۍ و وەعد مدەیمۍ، کە تا ئامایڎیی وەرمەکاشا بە پاگێرتەیرەی و داوای گەورێوە درێژە بە کۊشیای بدەیمێ.
زانیاری بارەو شناسنامەو هامڕا گەشمەرڎەکاما پێسنەن:
شناسنامێ: دەمهات ئامەد
نامۍ و دمانامێ: ئیسلام ئۊلچای
یاگۍ پەیڎابییەی: ئامەد
نامۍ ئەڎێ-تاتەی: ساڵیحە- شێخموس
وەخت و یاگۍ گەشمەرڎەبییەی: ٢٩ کانوونوو یوەموو ٢٠٢٣/ مێردین
شناسنامێ: ئارگەش باگۊک
نامۍ و دمانامێ: ئۊزگور ئای
یاگۍ پەیڎابییەی: مێردین
نامۍ ئەڎێ-تاتەی: یڵدز- عەدنان
وەخت و یاگۍ گەشمەرڎەبییەی: ٢٩ کانوونوو یوەموو٢٠٢٣/ مێردین
