هەپەگە دوێ گەریلێ گەشمەرڎێ، کە ئامانۊساننە گەشمەرڎێ بیێ یاڎێ کەرڎێوە و واتش: "بە یۊبیەی بێوێنەو هامڕاێیەتیی ئاپۊیی، ئندەو پراکتیکەکاو ژیوای، جارێوە تەر خەتەو مدرامانی تارێخیی فیڎاییبیەیشا وەراوەرو دوژمنینە سەلەمنا".
ناوەندو زانیاری و چاپەمەنیی هەپەگەی سەبارەت بە گەریلا گەشمەرڎەکا واتش:
" ٢٧ ئادارو ٢٠١٨ هەرێمو سەمانداغو هاتاینە جەنگیوی قورس بەینو هامڕایا و سەروازاو دوژمنینە ڕووەش دا". هامڕێما دەمهات و ئاندۊک دلێشنە گورزی قورسشا وەنەو دوژمنی شانا، بە ڕۊحێوە فیڎاییانەوە کۊشیێ و گەشمەرڎێ بیێ. ئێمە هامڕێما دەمهات و ئاندۊک، کە گرد بوارێوەنە نوێنەرایەتیی خەتەو فیڎاییبییەی ئاپۊیی کەرێنێ لوێ ڕیزو کارەوانو نەمراوە. ساڵیاڎوگەشمەرڎەبییەیشانە بەڕێزۊ یاڎشا کەرمێوە.
هامرێما دەمهات و ئادۊک هەمان ساڵەنە دژو هجوومە کۊکوشییەکاو سەرو گەلەکەیما قەرارشا دا بەشداریی ڕیزەکاو گەریلای بانێ. دەمهات و ئاندۊک چالاکانە بەشدارییشا جەنگ گەریلایی هەرێمە جیاجیاکاو کورڎسانینە کەرد. بە سەرچەمەو ئازاڎیی ڕابەر ئاپۊی، وێشا پەروەرڎە کەرد و وەراوەرو کۊکوشییەکاو گەلەکەیما کارڎایۊشا نیشانە دا و لوێ هەرێمو شەنگالی. هامڕێما چاگە بەرە جیاوازەکانە جەنگشا کەرد بەڵام بە هەمان ئامانج، پێسەو چارەنویسێوە هامبەشی واتشا بلمێ سەرنیشتو کورڎسانی. سەرو ئا بنەمێ، هامڕێما دەمهات و ئاندۊک کە پێوە لوێ ئامانۊس، گرووپو سامانداغینە بەشدارێ بیێ و بۊ سەروستەی کۊشیای ئازاڎیی گەلەکەیما کەوتێ ڕا.
هامڕێما دەمهات و ئاندۊک، پێوە هەرێمەکاو پارێزنای مێدیاینە تا شەنگال و چاوە پەی ئامانۊسی بە یۊبییەی بێوێنەو هامڕایی ئاپۊیی و پراکتیکەکاو ژیوای، بە خەتەی فیڎایییە دەسشا بە مدرامانی تارێخی کەرد و جارێو تەر وێشا سەلەمنا. پەرسە و سەرەوەشیما ئاراسەو بنەیانەی بەڕێزو هامڕایا دەمهات و ئاندۊک و گردو گەلی وەڵاتپارێزنو کورڎسانی مکەرمێ، وەعدما ئەوەخوای مکەرمێوە، کە بە ئیرادە و باوەڕۊ درێژە بە کۊشیشا بدەیمێ.
شناسنامەو هامڕا گەشمەرڎەکاما ئینەن:
شناسنامێ: دەمهات ڕێزان
نامێ و دمانامێ: ئیسماعیل ئۊزدەمیر
پەیڎابییەو: شڕناخی
نامێ ئەڎێ و تاتەی: فاتمێ - عوسمان
وەخت و شۊنەو گەشمەرڎەبییەی: ٢٧ ئادارو ٢٠١٨ / ئامانۊس
ئاندۊک باگۊک
شناسنامێ: ئاندۊک باگۊک
نامێ و دمانامێ بنەیانەی: دەلیل گۊکتاش
پەیڎابییەو: مێردینی
نامێ ئەڎێ و تاتەی: زەینێ - ئیبراهیم
وەخت و شۊنەو گەشمەرڎەبییەی: ٢٧ ئادارو ٢٠١٨ / ئامانۊس
